සටහන – පුලී
අප්රේල් 19, LNW (කොළඹ): Nathalie Baye – ප්රංශ සිනමාවේ බොහෝ දෙනා ආදරය කරන ලද ප්රබල රංඟනශිල්පිනියක්! ඒ කාලේ අපි ආදරය කළ, සිහින මැවූ සහ අපි හැදී වැඩුණේ ද ඇයගේ සිනමා නිර්මාණ නරඹමින් බව ප්රංශ ජනාධිපති එමානුවෙල් මැක්රොන් පැවසීය.
ප්රංශයේ ඔස්කාර් සම්මාන උළෙලට සමාන සීසර්ස් සම්මාන උළෙලේ සිව් වතාවක් රංගන ක්ෂේස්ත්රයේ ජයග්රාහිකාවක් වූ Baye, 1970 දශකයේ මුල් භාගයේ කැපී පෙනෙන චරිත නිරූපණය කරමින් ඇගේ ජීවිත කාලය තුළ චිත්රපට 80 කට පමණ සිය රංඟනයෙන් දායකත්වය සැපයීය.
ඇය සිය රංඟන ජීවිතය ගත කළ නිර්මාණ අතර, එවරි මෑන් ෆෝ හිම්ෆෙයා (1980), ස්ට්රේන්ජ් ඇෆෙයාර් (1981), ලා බැලන්ස් (1982) සහ ද යං ලුතිනන් (2005) මෙන්ම; ඩේ ෆෝ නයිට් (1973), කැච් මී ඉෆ් යූ කැන් (2002), ටෙල් නෝ වන් (2006) සහ ද ඇසිස්ටන්ට් (2015) ඇතුළත් වේ.
77 විය පසුකරමින් සිටියදී ඉකුත් සිකුරාදා සවස පැරිසියේ ඇගේ නිවසේදී ඇය ඩිමෙන්ශියා රෝගයෙන් පීඩා විඳිමින් සිටියදී මිය ගිය බව ඇගේ පවුලේ අය ප්රංශ ප්රවෘත්ති ඒජන්සිය වන ඒඑෆ්පී වෙත පවසා තිබේ.
1948 දී නෝමන්ඩි හි බොහීමියානු කලාකරුවන්ගේ පවුලක උපත ලැබූ Baye රංගනයට යොමු වීමට පෙර නර්තන ශිල්පිනියක් ලෙස සිය වෘත්තීය ජීවිතය ආරම්භ කළාය.
Images : Internet
