ශ්‍රී ලංකා පොදුජන පෙරමුණු ආණ්ඩුවට අද (20) දිනයේදී පාර්ලිමේන්තුව තුළ ආසන 113ක සරල බහුතරයත් අහිමි වීමේ දැඩි අවදානමක් උද්ගතව ඇති බව දේශපාලන ආරංචිමාර්ග පවසයි.
පසුගිය 2020 මහමැතිවරණයෙන් තුනෙන් දෙකක බලයක් ලබාගනිමින් පිහිට වූ ශ්‍රී ලංකා පොදුජන පෙරමුණු ආණ්ඩුවෙන් මේ වනවිට ශ්‍රී ලංකා නිදහස් පක්ෂය සහ විමල් – ගම්මන්පිල – වාසුදේව ඇතුළු කුඩා පක්ෂ සන්ධානයත් ඉවත්ව සිටින අතර තවත් මන්ත්‍රීවරුන් කිහිපදෙනෙකු සමග ඔවුන් පාර්ලිමේන්තුව තුළ විපක්ෂයේ අසුන් ගෙන ඇත. ඒ අනුව ආණ්ඩුවට ඉතිරි වී තිබුණේ මන්ත්‍රී ආසන 118ක පමණ සංඛ්‍යාවකි.
මේ අතර පසුගියදා නව කැබිනට් මණ්ඩලය පත්කිරීමේදී ඇතිවූ තත්වයන් මත ආණ්ඩුව සමග අමනාපයට පත්ව සිටින හිටපු අමාත්‍යවරුන් පිරිසක් ද ස්වාධීන වීමට සාකච්ඡා පවත්වමින් සිටින අතර ඊයේ රඹුක්කන දී සිදුවූ පොලිස් වෙඩිතැබීමත් සමග රට තුළ උත්සන්නව ඇති ආණ්ඩු විරෝධයත් සලකා බැලීමේදී අද බොහෝදුරට ආණ්ඩුවට 113ක බහුතර බලයත් අහිමි වනු ඇති බවයි ආරංචිමාර්ග සඳහන් කළේ.
RN
