නිශ්මං රණසිංහ අප්‍රේල් 21 කොළඹ LNW :
ඉන්දුනීසියාවේ පැවත්වෙන ආසියානු හොකි සමිමේලන තරගාවලියට සහභාගි වන ශ්‍රී ලංකා පිරිමි කණ්ඩායම තායිලන්තය සමඟ පැවති තරගය 1-1 ක් ලෙස ජය පරාජයෙන් තොරව අවසන් කර ගන්නට සමත් වුණා.කාන්තා කණ්ඩායම සිංගප්පූරුව ඉදිරියේ 5-2 ක් ලෙස පරාජයට පත් වුණා.
පිරිමි තරගයේ දී පළමු අර්ධය නිම වන තෙක්ම කණ්ඩායම් දෙකම ගෝල ලබා ගැනීමට සමත් වුණේ නැහැ.එහෙත් තෙවන තාක්ෂණික කෙටි විවේක කාලයට පෙර තායිලන්තය තරගයේ පෙරමුණේ තබමින් පුමී ක්‍රිට්සානා ගෝලයක් ලබා ගැනීමට සමත් වුණා.එහෙත් එම අභියෝගයට සාර්ථකව මුහුණ දුන් ශ්‍රී ලංකා කණ්ඩායමේ සුරේෂ් රත්නායක තරගය සම කිරීමට අවශ්‍යය ගෝලය 56 වන විනාඩියේදී ලබා ගන්නට සමත් වුණා.
කාන්තා තරගයේදී පළමු අර්ධය සම්පූර්ණයෙන් සිංගප්පුරුව සතු වූ අතර ඔවුන් ගෝල 4 – 1 ක් ලෙස පෙරමුණේ රැදී සිටියා.එහෙත් දෙවන අර්ධයේදී ශ්‍රී ලංකා ක්‍රීඩිකාවන් රිදිමයට පැමිණ කරට කර සටනක යෙදෙමින් දෙවන අර්ධයේ ලකුණු ලැබීම් 1-1 ක් ලෙස නිමා කළත් පළමු අර්ධයේ සිංගප්පූරුව ලද වාසිය හේතු කර ගනිමින් තරගයේ ජය 5=2 ක් ලෙස සිංගප්පූරුව සතු වුණා.
ශ්‍රී ලංකාව වෙනුවෙන් විමුක්තිනී කළුආරච්චි ලබා ගත් ගෝල දෙකේම හිිමිකාරිය බවට පත් වෙමින් කැපී පෙණුනා.සිංගප්පූරුව වෙනුවෙන් හෝ පුවේ,එන්ජී සර්ඩෝනා,ඕඑන්ජී නාඩියා එක ගෝලබ බැඟින් රැස් කළ අතර ගෝල ද්විත්වයක්ම වාර්තා වුණේ සිම් වැලෙරිගෙන්.
