විපක්ෂයේ එකමුතුවක් නැතිව තරුණ අරගලය දිනන්න බෑ – රවී කුමුදේශ්

Date:

විපක්ෂයේ සියලු පක්ෂවල එකමුතුවකින් තොරව තරුණ අරගලය ජයග්‍රහණය කරා ගෙන යා නොහැකි බව සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසයි.

මේ වනවිට රටේ තරුණ පරපුර ඇතුළු ජනතාව වත්මන් ආණ්ඩුවත් ජනාධිපතිවරයාත් පළවා හැරීම සඳහා මහපාරේ අරගලය අඛණ්ඩව සිදුකරමින් සිටියත් ඊට අදාළව පාර්ලිමේන්තුව තුළ කිසිවක්ම සිදුනොවන තත්වයක් උද්ගතව ඇති බවයි ඒ මහතා පෙන්වා දෙන්නේ.

ඒ අනුව මේ තරුණ අරගලය පාර්ලිමේන්තුව තුළින් ජයග්‍රහණය කරා ගෙනයන ලෙස වෘත්තීය සමිති ඇතුළු සියලුම පාර්ශ්ව පාර්ලිමේන්තුවේ විපක්ෂය නියෝජනය කරන පක්ෂවලට බලපෑම් කළයුතු බවත් ඒ මහතා සඳහන් කළේය.

විශේෂයෙන්ම විපක්ෂ නායක සජිත් ප්‍රේමදාස මහතා මේ සටනට නායකත්වයක් දෙන බවක් මෙතෙක් පෙන්නුම් කර නොමැති බව සිහිපත් කළ කුමුදේශ් මහතා විපක්ෂ නායකවරයා මීට මැදිහත් නොවන්නේ නම් විපක්ෂය නියෝජනය කරන රනිල් වික්‍රමසිංහ මහතා හෝ චම්පික රණවක මහතා හෝ වෙනත් කවර හෝ නායකයකු හෝ ඉදිරියට පැමිණ විපක්ෂයේ සියලු බලවේග එකතුකර වත්මන් ආණ්ඩුව සහ ජනාධිපතිවරයා ඉවත් කිරීමට කටයුතු කළයුතු බවයි ඒ මහතා අවධාරණය කළේ.

රවී කුමුදේශ් මහතා මේ බව පැවසුවේ අද (24) දිනයේදී ලංකා නිව්ස් වෙබ් වෙත ප්‍රකාශයක් ලබාදෙමිනි.

RN

Share post:

spot_imgspot_img

Popular

More like this
Related

බංග්ලාදේශයේ හිටපු අගමැතිනි ෂෙයික් හසීනාට මාස හයක සිර දඬුවමක් පැනවේ

සටහන: සශිකලා මධුෂාණිජුලි 03; ලෝකය(අවුට්බවුන්ඩ් ටුඩේ): හිටපු අගමැතිනි ෂෙයික්...

ජපානයේ ටෝකාරා දූපත් සති දෙකක් තුළ භූමිකම්පා 900 කට මුහුණ දේ

සටහන: සශිකලා මධුෂාණිජුලි 03; ලෝකය(අවුට්බවුන්ඩ් ටුඩේ): පසුගිය සති දෙක...

මේ බොරුකාර, අකාර්යක්ෂම රජය දුන් පොරොන්දු ඉටු කරන්න බැරිව ජනතාව මංමුලාකරලා – විපක්ෂ නායක සජිත් (VIDEO)

සටහන - රුවන් නෙළුගොල්ල දුර්වල, අකාර්යක්ෂම, බොරුකාර, රැවටිලිකාර වත්මන් රජයේ...

චරිත්ගෙන් නායකත්වයේ ඉණිමක්

නිශ්මං රණසිංහ ජූලි 03, කොළඹ LNW: ශ්‍රී ලංකාව ලකුණු 29...