- 2022 දෙසැම්බර් මාසයෙන් අවසන් වන කාර්තුව තුළ ලැයිස්තුගත සමාගම් 281 ක සමුච්චිත ඉපැයීම් සියයට 44 ක දැවැන්ත පසුබැසීමකට ලක්වෙයි: මෙවන් පසුබැසීමක් සිදුවන්නේ 2020 න් පසු පළමු වරටයි: පසු බැසීම වැඩි වශයෙන් දක්නට තිබෙන්නේ, ප්‍රාග්ධන භාණ්ඩ (-82.6%), ගමනාගමනය (-87.0%), විදුලිසංදේශ (-226.8%), සහ විවිධාංගීකරණය වූ මූල්‍ය (-38.9%) යන අංශවලයි.
- ජාත්‍යන්තර මූල්‍ය අරමුදලේ අවශ්‍යතාවයට අනුව කල් ගතව තිබෙන විද්‍යුත් රාජ්‍ය ප්‍රසම්පාදන (e-GP) ක්‍රමය වහා ක්‍රියාත්මක කරන ලෙස මුදල් අමාත්‍යාංශය සියලුම අමාත්‍යාංශ, පළාත් සභා, දෙපාර්තමේන්තු, දිස්ත්‍රික් ලේකම් කාර්යාල, රාජ්‍ය සංස්ථා, ව්‍යවස්ථාපිත මණ්ඩල සහ රජය සතු ව්‍යාපාරවලට උපදෙස් දෙයි.
- චීනයේ සත්වෝද්‍යාන සඳහා රිලවුන් (toque macaque) 100,000 ක් අවශ්‍ය බව පැවසුවේ යැයි කියන චීන සත්ත්ව අභිජනන සමාගමේ තොරතුරු ලබා දෙන මෙන් කෘෂිකර්ම ලේකම් ගුණදාස සමරසිංහ චීන තානාපති කාර්යාලයෙන් ඉල්ලා සිටියි.
- මෙරට ගෙවුම් ශේෂ දැනට හිතකර තත්ත්වයක නොපවතින බව ජනාධිපති රනිල් වික්‍රමසිංහ පවසයි: “වර්ධනය සඳහා අවස්ථා නිර්මාණය කිරීම සඳහා වූ ප්‍රතිසංස්කරණ සහ ප්‍රතිව්‍යුහගත කිරීම් ක්‍රියාවට නැංවීමට” පියවර ගනිමින් සිටින බව පවසයි: මීළඟට සිදුකළ යුතු කඩිනම් ක්‍රියාමාර්ගය වන්නේ ජාත්‍යන්තර මූල්‍ය අරමුදලේ වැඩපිළිවෙල පාර්ලිමේන්තුවට ඉදිරිපත් කර ඊට සහාය ඉල්ලා සිටීම බව ද පවසයි: එළඹෙන මාසයේ වර්ධන න්‍යාය පත්‍රය සූදානම් කරන බවට ද පොරොන්දු වෙයි.
- මෙරට නාගරීකරණය, 2012 වර්ෂයේ පැවති 18.5% ට සාපේක්ෂව 2022 වන විට 45% දක්වා ඉහළ ගොස් ඇති බව ජාතික භෞතික සැලසුම් දෙපාර්තමේන්තුව විසින් සිදු කරන ලද සමීක්ෂණයකින් අනාවරණය වෙයි: වේගවත් ජනගහන වර්ධනය සහ ග්‍රාමීය ප්‍රදේශවලින් මිනිසුන්ගේ සංක්‍රමණය සිදුවීම ඉහළ යාම මීට බලපා ඇති හේතු ලෙස සැලකේ.
- යාපනයේ ඩෙල්ෆ්ට් ප්‍රදේශයේ නිවසක් තුළ පුද්ගලයන් පස් දෙනෙකු (කාන්තාවන් තිදෙනෙකු සහ පිරිමි දෙදෙනෙකු) කපා කොටා ඝාතනය කර ඇති බව වාර්තා වේ: බරපතල කැපුම් තුවාල ලැබූ තවත් කාන්තාවක රෝහල්ගත කර තිබේ: මීට අදාළ විමර්ශන දියත් වේ.
- අකුරණ ප්‍රදේශයේ බෝම්බ පිපිරීමක් සිදුවිය හැකි බවට පොලීසියට සාවද්‍ය තොරතුරක් ලබා දීම මත අත්අඩංගුවට පත් වූ 21 හැවිරිදි තරුණයා මැයි 04 වන දින වන තුරු රක්ෂිත බන්ධනාගාරගත කෙරේ.
- පුනර්ජනනීය බලශක්තිය සඳහා වූ සංශෝධිත ජනන ගාස්තු (feed-in tariffs) ඉතා සංකීර්ණ බව පෙනී යාම මත ඊට අදාළව ඉදිරිපත් කළ කැබිනට් පත්‍රිකාව ඉල්ලා අස්කර ගැනීමට බලශක්ති අමාත්‍යංශය කටයුතු කරයි: 2030 වන විට පුනර්ජනනීය ප්‍රභවයන් හරහා විදුලියෙන් 70%ක් නිපදවන බවට රජය පොරොන්දු වී සිටිය ද, දිගින් දිගටම ශක්‍ය ගාස්තුවක් හඳුන්වා නොදීම මත නව ව්‍යාපෘති අවහිර වී ඇති බව පුනර්ජනනීය බලශක්ති සංවර්ධකයින්ගේ සම්මේලනයේ උප සභාපති මංජුල පෙරේරා පවසයි.
- 2022 ජූලි 09 වන දින ජනාධිපති රනිල් වික්‍රමසිංහ ගේ පෞද්ගලික නිවස ගිනි තැබීමේ සිදුවීම සම්බන්ධයෙන් දියත් කර තිබෙන විමර්ශයන්වලට අදාළව, ශ්‍රී ලංකා මානව හිමිකම් කොමිෂන් සභාව ත්‍රිවිධ හමුදා නියෝජිතයන් කැඳවයි.
- මධ්‍යම කඳුකරයේ රාමායනය වීර කාව්‍යයේ කියවෙන ස්ථානයක් සනිටුහන් කරමින් නව සමරු මුද්දරයක් නිකුත් වෙයි: මෙම මුද්දරයෙන් සිහිපත් කෙරෙන්නේ සීතා අම්මන් දේවාලය වන අතර, එය රාමායනය කතාන්දරයේ කියවෙන රාවණා රජු විසින් සීතා දේවිය සිරකර තැබූ අශෝක් වතිකා නමින් හැඳින්වෙන ස්ථානය යැයි විශ්වාස කෙරේ.
