රෂිකා හෙන්නායක
ගාසා තීරයේ ආහාර තොග අවසන් බව, ලෝක ආහාර වැඩසටහන (WFP) පවසයි. ගාසා තීරයේ මිලියන දෙකකට අධික ජනතාවක් වෙසෙන අතර , ඊශ්‍රායලය විසින් ගාසා තීරයට මානුෂීය ආධාර ඇතුළුවීම දිගින් දිගටම අවහිර කිරීම හේතුවෙන්, ලෝක ආහාර වැඩසටහන (WFP) පවසන්නේ, ගාසා තීරයේ ආහාර හිඟයකට මුහුණ දී ඇති බවයි. ඒ අනුව WFP නිවේදනය කළේ, ඉතිරිව ඇති උණුසුම් ආහාර පිළියෙළ කරන අවසන් ආහාර ද්‍රව්‍ය සැපයුම්ද ලබා දුන් බවයි. දින කිහිපයක් ඇතුළත ඒවා සම්පූර්ණයෙන්ම අවසන් වනු ඇතැයි අපේක්ෂා කෙරේ.
හදිසි පියවර නොගතහොත් පවුල් සඳහා තීරණාත්මක ආධාර නතර කිරීමට සිදුවිය හැකි බවට එක්සත් ජාතීන්ගේ ආයතනය අනතුරු ඇඟවීය.
තිරිඟු පිටි සහ ඉවුම් පිහුම් ඉන්ධන අවසන් වීම නිසා මාර්තු 31 වන දින සම්පූර්ණයෙන්ම වසා දැමූ බේකරි 25 කටලෝක ආහාර වැඩසටහන සහාය විය. තවද, සති දෙකකට සුදුසු සලාක අඩංගු පවුල්වලට බෙදා දුන් ආහාර පාර්සල් එම සතියේම අවසන් විය. සති හතකට වැඩි කාලයක් ගාසා තීරයට මානුෂීය හෝ වාණිජ සැපයුම් කිසිවක් ඇතුළු වී නොමැති බැවින්, සියලුම ප්‍රධාන දේශසීමා ස්ථාන වසා දමා ඇති බවද වාර්තා වේ.
එක්සත් ජාතීන්ගේ ආයතන සහ මහලේකම් ඇන්ටෝනියෝ ගුටරෙස් ඇතුළු ජ්‍යෙෂ්ඨ නිලධාරීන් මානුෂීය ප්‍රවේශයක් සඳහා නැවත නැවතත් ආයාචනා කර ඇති බවද වාර්තා වේ.
ගාසා තීරය වසා දැමීම මෙතෙක් මුහුණ දී ඇති දීර්ඝතම අවස්ථාව බවත්, එය දැනටමත් බිඳෙනසුලු වෙළඳපොළවල් සහ ආහාර පද්ධති උග්‍ර කරන බවත් ලෝක ආහාර වැඩසටහන පැවසීය.මේ වසරේ මුල් භාගයේ සටන් විරාම කාලයට සාපේක්ෂව ආහාර මිල ගණන් සියයට 1,400 කින් ඉහළ ගොස් ඇති අතර අත්‍යවශ්‍ය ආහාර ද්‍රව්‍ය හිඟයක් පවතී.
මෙය මන්දපෝෂණය පිළිබඳ බරපතල කනස්සල්ලක් මතු කරයි – විශේෂයෙන් කුඩා දරුවන්, ගැබිනි සහ කිරි දෙන කාන්තාවන්, වැඩිහිටියන් සහ අනෙකුත් අවදානමට ලක්විය හැකි පුද්ගලයින් සඳහා.
මේ අතර, මාස හතරක් දක්වා මිලියනයක ජනතාවක් පෝෂණය කිරීමට ප්‍රමාණවත් ආහාර ආධාර මෙට්‍රික් ටොන් 116,000 කට වඩා සූදානම්ව සිටින අතර දේශසීමා නැවත විවෘත වූ වහාම WFP සහ හවුල්කරුවන් විසින් ගාසා තීරයට ගෙන ඒමට බලා සිටී.
