කොළඹ LNW:මිල ගණන් ඉහළ යාම නිසා ආයනනික වාහන අලෙවිකර ගැනීමට නොහැකි තත්ත්වක් මතුව ඇති බවට ඇතැම් මාධ්‍ය විසින් පළකර තිබෙන වාර්තාවල සත්‍යතාවක් නොමැති අතර නවතම ආනයනික වාහන සඳහා විශාල ඉල්ලුමක් පවතින බව ශ්‍රී ලංකා වාහන ආනයන සංගමයේ සභාපති ප්‍රසාද් මානගේ මහතා පවසයි.
මේ අතර ආනයනික වාහන රටට පැමිණීමේ අඩුවක් නොමැති බවත් මේ වන විටත් නවතම වාහන හය හත්දාහක් රට තුළට ගෙනවිත් තිබෙන බවත් මානගේ මහතා සඳහන් කරයි.
ආර්ථික කඩා වැටීම හමුවේ වාහන ආනයනය තාවකාලිකව අත්හිටුවා වසර පහකට පසු නැවත ආනයනය සඳහා ඉඩ ලැබීමෙන් පසු වාහන ඉල්ලුමද එලෙසින්ම වැඩි වී තිබෙන බවයි ඔහු පවසන්නේ.
මේ වන විට දිවයිනට පැමිණි වාහන වලින් 75%ක් 80%ක් විකිණී අවසන් බවද මානගේ මහතා ප්‍රකාශ කරයි.
ආශිකා බ්‍රාහ්මණ
