හිටපු ජනාධිපති රනිල් වික්‍රමසිංහ මහතාගේ ප්‍රධාන ආරක්ෂක නිලධාරී, ප්‍රධාන පොලිස් පරීක්ෂක අශෝක ආරියවංශ මහතාව කන්කසන්තුරේට ස්ථාන මාරු කර ඇත්තේ හිටපු පාර්ලිමේන්තු මන්ත්‍රී සිවනේසතුරෙයි චන්ද්‍රකාන්තන් හෙවත් පිල්ලෙයාන්ට දුරකථන ඇමතුමක් ලබාදීමට ගත් උත්සාහයක් නිසා යැයි පොලීසිය නිකුත් කළ නිවේදනයකට රනිල් වික්‍රමසිංහ මහතාගේ කාර්යාලය පිළිතුරු ලබාදී තිබේ.
අත් අඩංගුවේ පසුවන පුද්ගලයකුට කතා කිරීමට අවශ්‍ය වූ විට ඒ දුරකථන ඇමතුමට අවසර ලැබේද නැද්ද යන්න පළමුවෙන් තහවුරු කරගන්නා අතර වික්‍රමසිංහ මහතාගේ ආරක්ෂක අංශය අපරාධ පරීක්ෂණ දෙපාර්තමේන්තු නිලධාරියෙකුට ඇමතුමක් දී ඇත්තේ ඒ අනුව බවයි වික්‍රමසිංහ මහතාගේ කාර්යාලය සඳහන් කරන්නේ.
වික්‍රමසිංහ මහතාගේ කාර්යාලය මේ සම්බන්ධයෙන් නිකුත් කර ඇති සම්පූර්ණ නිවේදනය පහතින් දැක්වේ.
