කොළඹ LNW: පළාත් පාලන මැතිවරණයේ මහනුවර දිස්ත්‍රික් ඡන්දය ප්‍රකාශ කිරීම අද පෙරවරු 11 වන විට 21%ක් යැයි මහනුවර දිස්ත්‍රික් තේරීම්භාර නිලධාරී, දිස්ත්‍රික් ලේකම් ඉන්දික උඩවත්ත මහතා පවසයි.
මෙම කාලය තුළදී කිසිදු ප්‍රචණ්ඩ ක්‍රියාවක් හෝ මැතිවරණ නීති උල්ලංඝනය කිරීමක් සිදුව නොමැති බව ද ඒ මහතා පැවසුවේය.
තේරීම්භාර නිලධාරීවරයා මෙම අදහස් පළ කරන ලද්දේ මහනුවර දිස්ත්‍රික් ලේකම් කාර්යාලයේදී අද (06) පැවැති මාධ්‍ය හමුවකදීය.
මධ්‍යස්ථාන 937කදී සිදුවන ඡන්දය ප්‍රකාශ කිරීම පස්වරු 04ට නිමාවීමෙන් අනතුරුව මධ්‍යස්ථාන 368කදී ගණනය කොට එහි ප්‍රතිඵල මහනුවර දිස්ත්‍රික් ලේකම් කාර්යාලීය ප්‍රධාන මෙහෙයුම් කාර්යාලයට ලබා ගන්නා බවත් සමස්ථ ප්‍රතිඵලය මැතිවරණ කොමිෂන් සභාවේ නිර්දේශ මත අනතුරුව නිකුත් කරන බව ද ඒ මහතා තව දුරටත් පැවසුවේය.
නදීක දයා බණ්ඩාර – මහනුවර
