ආශිකා බ්රාහ්මණ
කොළඹ LNW:අද (07) මධ්යම රාත්රීයේ සිට රයිස්, බුරියානි සහ නාසිගුරන් යන ආහාරවල මිල ගණන් රු 25කින් ඉහළ දැමීමට තීරණය කර තිබේ.
මෙම තීරණය සම්බන්ධයෙන ආපනශාලා හිමියන්ගේ සංගමය පවසන්නේ ලාෆ්ස් ගෑස් භාවිතයෙන් ආපනශාලා පවත්වාගෙන යන වෙළෙඳසැල්වල ප්ලේන් ටී සහ කිරි තේ මිල ගණන්ද ඉහළ නංවා තිබෙන බවයි.
ආපනශාලා හිමියන්ගේ සංගමයේ සභාපති හර්ෂණ රුක්ෂාන් සඳහන් කරන්නේ එවැනි වෙළෙඳසැල් 25 % – 30% ත් අතර ප්රමාණයක් පවතින අතර, ඔවුන්ට ලාෆ්ස් ගෑස් මිල දරා ගැනීමට නොහැකි තත්ත්වයකට පත්ව ඇති බවයි.
ඒ අනුව ලාෆ්ස් භාවිතයෙන් පවත්වාගෙන යනු ලබන වෙළෙඳසැල්වල ප්ලේන් ටී එකක් රු 5කින් සහ කිරි තේ එකක් රු 10කින් ඉහළ නංවා ඇත.
එමෙන්ම කෙටි ආහාර වර්ග රු 5කින් ඉහළ නංවා ඇති අතර බිත්තර රොටිවල සහ පරාටාවල මිල වැඩිවීමක් නොමැති බව ආපනශාලා හිමියන්ගේ සංගමයේ සභාපතිවරයා පවසයි.
