සටහන – පුලී
මැයි 10, LNW (කොළඹ): කොලිවුඩයේ සුපිරි තරුවක සහ දේශපාලනඥයෙකු වූ සී. ජෝසප් විජේ අද (10) තමිල්නාඩු මහ ඇමතිවරයා ලෙස දිවුරුම් දුන් අතර, එය ප්‍රාන්ත දේශපාලන භූ දර්ශනයේ ප්‍රධාන වෙනසක් සනිටුහන් කරන්නට විය.
චෙන්නායි හි ජවහර්ලාල් නේරු ක්‍රීඩාංගණයේදී ආණ්ඩුකාර රාජේන්ද්‍ර විශ්වනාත් අර්ලේකර් මහතා විසින් මෙම දිවුරුම් දීම සිදු කරන ලදී.
තමිල්නාඩු සභා මැතිවරණයෙන් පසු, තමිල්නාඩු වෙට්‍රි කසාගම් (TVK)පක්ෂයෙ හි නිර්මාතෘ වන තලපති විජේ, රජය පිහිටුවීමට ප්‍රමාණවත් සහයෝගයක් ලබා ගත් අතර, එහිදී ඔහුගේ පක්ෂය ආසන 108 ක් ලබා ගනිමින් තනි විශාලතම පක්ෂය බවට මෙවර මැතිවරණයෙන් පත්විය.
දිවුරුම් දීමේ උත්සවයට එරට දේශපාලන නායකයින් සහ ප්‍රසිද්ධ පුද්ගලයින් රැසක් සහභාගී විය.
මෙම ඓතිහාසික සිදුවීම නැරඹීම සඳහා ආධාරකරුවන් විශාල පිරිසක් චෙන්නායි නුවරට රැස්ව සිටි බව ද විදෙස් මාධ්‍ය වාර්තා කරයි.
