ආශිකා බ්‍රාහ්මණ
කොළඹ LNW: කපිල චන්ද්‍රසේන සාක්ෂිකරුවෙක් නොව ඔහු චූදිතයෙක් වන අතර ඔහු කිසිදු අවස්ථාවක ආරක්ෂාවක් ඉල්ලා නොතිබුණු බව ග්‍රාමීය සංවර්ධන, සමාජ ආරක්ෂණ හා ප්‍රජා සවිබලගැන්වීම් අමාත්‍ය මහාචාර්ය උපාලි පන්නිල මාධ්‍ය වෙත අදහස් දක්වමින් පවසයි.
යම් හෙයකින් ඔහු ආරක්ෂාවක් ඉල්ලා සිටියේ නම් එය ලබා දීමට හැකියාවක් පවතින බවද අමාත්‍යවරයා සඳහන් කරයි.
එමෙන්ම කපිල චන්ද්‍රසේන මහතා මරණයට පත්වීමේන් ඒයා බස් ගණුදෙනුවේදී සිදූවී ඇතැයි කියන වංචාවන් සම්බන්ධයෙන් නීතිය ක්‍රියාත්මක කිරීමේදී රාජපක්ෂලාට වාසි වන බවයි අමාත්‍යවරයා තවදුරටත් පවසන්නේ.
විදේශීය අධිකරණයකදී මෙම ගුවන් යානා මිලදී ගැනීමේ සිද්ධියට කපිල චන්ද්‍රසේන වරදකරුවෙක් වී සිටි අතර එම ගනුදෙනුව පිළිබඳ මෙරට අධිකරණයේ කටයුතු සිදුවෙමින් පවතින අතර මරණය සිදු වූ බව පවසන අමාත්‍යවරයා ඒ සම්බන්ධයෙන් තවදුරටත් සඳහන් කරන්නේ චූදිතයෙකුට ඉල්ලීමකින් තොරව ආරක්ෂාව ලබා දීමේ ප්‍රතිපාදනයක් නොමැති බවයි.
දුෂණ වංචා පැවති යුගයක එහි මැදිහත්කරුවෙක් ලෙස ක්‍රියා කළද මෙලෙස මරණයක් සිදුවීම නොවිය යුතු දෙයක් බවද අමාත්‍යවරයා වැඩිදුරටත් කියාසිටියි.
