පෑලියගොඩ මැනිං වෙළඳ සංකීර්ණයේ කඩ කාමර ලබාදෙන බවට පොරොන්දු වෙමින් ව්‍යාපාරිකයින්ගෙන් රුපියල් මිලියන 650කට අධික මුදලක් එකතු කළ බවට හිටපු රාජ්‍ය අමාත්‍යවරයකුට චෝදනා එල්ල වී ඇති බව වාර්තා වේ.
මෙම හිටපු රාජ්‍ය අමාත්‍යවරයා එක් ව්‍යාපාරිකයකුට කඩ කාමර 10ක් ලබාදෙන බව පවසා ඔහුගෙන් පමණකුත් අතිවිශාල මුදලක් ලබාගෙන ඇති බවත් සඳහන්.
කෙසේවෙතත් එම ව්‍යාපාරිකයින්ට කඩ කාමර ලබාදීමට හිටපු රාජ්‍ය අමාත්‍යවරයා කටයුතු නොකිරීම හේතුවෙන් අවසානයෙහි ඔවුන් වත්මන් විෂය භාර රාජ්‍ය අමාත්‍යවරයාට මේ පිළිබඳව පැමිණිලි කර ඇති බව වාර්තා විය.
ඒ අනුව විෂය භාර රාජ්‍ය අමාත්‍යවරයා මේ පිළිබඳව අපරාධ පරීක්ෂණ දෙපාර්තමේන්තුවට දැනුම් දී විමර්ශනයක් ආරම්භ කරන ලෙස උපදෙස් ලබාදී ඇති බවත් ආරංචිමාර්ග සඳහන් කළේය.
පෑලියගොඩ මැනිං වෙළඳ සංකීර්ණය අයත් වන්නේ නාගරික සංවර්ධන අමාත්‍යාංශය යටතට ය.
RN
