සටහන: සශිකලා මධුෂාණි
මැයි 17; ලෝකය(අවුට්බවුන්ඩ් ටුඩේ): ඉන්දීය අග්‍රාමාත්‍ය නරේන්ද්‍ර මෝදිගේ ගල්ෆ් රාජ්‍ය සංචාරයේ කොටසක් ලෙස එක්සත් අරාබි එමීර් රාජ්‍යය සහ ඉන්දියාව අතර ආරක්ෂක, බලශක්ති සහ නාවික කටයුතු පිළිබඳ ගිවිසුම් රැසක් අත්සන් කර තිබේ.
ඊයේ(16)දිනයේදී ඉන්දීය අග්‍රාමාත්‍ය නරේන්ද්‍ර මෝදි සහ එක්සත් අරාබි එමීර් රාජ්‍යයේ ජනාධිපති ෂෙයික් මොහොමඩ් බින් සයිඩ් අල් නහියන් අතර අබුඩාබි හි පැවති හමුවකදී මෙම ගිවිසුම් අත්සන් කර තිබු අතර මෙම ගිවිසුම් හරහා ආරක්ෂක කාර්මික සහයෝගීතාව සහ නවෝත්පාදන සහ උසස් තාක්ෂණය, පුහුණුව, අභ්‍යාස, සමුද්‍ර ආරක්ෂාව, සයිබර් ආරක්ෂාව, ආරක්ෂිත සන්නිවේදනය සහ තොරතුරු හුවමාරුව පිළිබඳ සහයෝගීතාව ශක්තිමත් කරනු ඇත.
ගිවිසුමේ ප්‍රධාන ක්ෂේත්‍රයක් ලෙස උපායමාර්ගික ඛනිජ තෙල් සංචිත සහ ද්‍රව ස්වාභාවික ගෑස් (LNG) සැපයීම වන අතර, එහි සඳහන් වන්නේ “එක්සත් අරාබි එමීර් රාජ්‍යයේ ෆුජයිරා හි බොරතෙල් ගබඩා කිරීමේ විභවයක් ඉන්දියානු උපායමාර්ගික ඛනිජ තෙල් සංචිතයේ කොටසක් බවට” ගිවිසුමක් ඇති බවයි.
ඉරානය තම නැගෙනහිර වෙරළබඩ ෆුජයිරා එමීර් රාජ්‍යය ඩ්‍රෝන යානා සහ මිසයිල මගින් ඉලක්ක කර ගනිමින් තෙල් පිරිපහදුවකට ගිනි තබා ඉන්දීය සේවකයින් තිදෙනෙකුට තුවාල සිදු කළ බවට එක්සත් අරාබි එමීර් රාජ්‍යය චෝදනා කිරීමෙන් පසුව මෙම රැස්වීම් සංවිධානය වී ඇත.
