නව ලංකා නිදහස් පක්ෂයේ නායක, පාර්ලිමේන්තු මන්ත්‍රී කුමාර වෙල්ගම මහතාගේ සුවදුක් විමසීම සඳහා හිටපු ජනාධිපති මහින්ද රාජපක්ෂ මහතා ගොස් තිබේ.
ඒ අනුව මතුගම ඩෙනිස්ටන් වත්තේ පිහිටි වෙල්ගම මහතාගේ නිවසට ඊයේ (17) ගිය මහින්ද රාජපක්ෂ මහතා වෙල්ගම මහතාගේ සුවදුක් විමසමින් සුහද කතාබහක නිරත වී තිබිණි.
කුමාර වෙල්ගම මහතා පසුගිය මාස කිහිපයක් තිස්සේ විටින් විට අසනීපයෙන් පසුවූ අතර ඇතැම් අවස්ථාවල රෝහල්ගතව ද ප්‍රතිකාර ලබා තිබිණි. එම තත්වය මත ඒ මහතාට පාර්ලිමේන්තුවෙන් මාස තුනක නිවාඩුවක් ද අනුමත කර ඇත.
RN
