කොළඹ LNW:දැඩි ආරක්ෂාවක් යටතේ සිටියදී හෙලිකොප්ටර් අනතුරකින් හදිසියේ ජීවිතක්ෂයට පත් ඉරාන ජනාධිපති ඊබ්‍රහිම් රයිසි වෙත අවසන් ගෞරව දැක්වීම සඳහා දස දහස් ගණනින් ඉරාන වැසියන් එක්වෙමින් සිටින ආකාරය විදෙස් මාධ්‍ය වාර්තා කර තිබේ.
අවමංගල්‍ය පැවැත්වෙන ටැබ්රිස් වෙතයි එලෙස ඉරාන වැසියන් එක්වෙමින් සිටින්නේ.
ඉරාන ජනතා මතය මුළුමණින්ම පෙන්නුම් නොකළත් දැඩි ආගමික මතධාරී ජනතාවගේ ආදරයට ඔහු පාත්‍ර වී සිටි බවට මෙය කදිම සාක්ෂියක් බවයි විදෙස් මාධ්‍ය වාර්තා පෙන්වා දී තිබුණේ.
මේ අතර රයිසි විරෝධීන් ඔහුගේ හදිසි අභාවයෙන් පසු රයිසි සම්බන්ධයෙන් හා ඔහු සමඟ මියගිය සෙස්සන් සම්බන්ධයෙන් සමාජ මාධ්‍ය හරහා අපහාසාත්මක අයුරින් කටයුතු කළ පුද්ගලයින්ට එරෙහිව ක්‍රියාත්මක වන ලෙසද එරට නීතිපති මොහොමඩ් කසෙම් මොවාහෙඩි අසාද් විසින් නියෝග කර තිබේ.
ආශිකා බ්‍රාහ්මණ
