බරපතළ වැඩ සහිත සිර දඬුවම් නියම වූ හිටපු ක්රීඩා අමාත්ය මහින්දානන්ද අලුත්ගමගේ සහ හිටපු වෙළඳ අමාත්ය නලින් ප්රනාන්දු වැලිකඩ බන්ධනාගාරයේ සාමාන්ය වාට්ටුවකට යොමුකර ඇති බව වාර්තා වේ.
2015 ජනාධිපතිවරණ සමයේ ස.තො.ස ආයතනය හරහා කැරම් බෝඩ් 14,000ක් සහ දාම් ලෑලි 11,000ක් මිලදීගෙන ක්රීඩා සංගම්වලට බෙදා දීම තුළින් රජයට රුපියල් මිලියන 53ක පාඩුවක් සිදුකළ බවට වූ චෝදනාවන්ට ඔවුන් වැරදිකරුවන් වශයෙන් කොළඹ ත්රිපුද්ගල මහාධිකරණය ඊයේ (29) තීන්දු කළ අතර හිටපු වෙළඳ ඇමති නලින් ප්රනාන්දුට බරපතළ වැඩසහිත වසර 25ක සිර දඬුවමක් ද හිටපු ඇමති මහින්දානන්ද අලුත්ගමගේට බරපතළ වැඩසහිත වසර 20ක සිරදඬුවමක් ද නියම කරන ලදී.
ඒ අනුව ඔවුන් දෙදෙනාව වැලිකඩ බන්ධනාගාරයට ගෙනයනු ලැබිණි.
