කඩුවෙල මහ නගර සභාවේ නගරාධිපතිවරයා වශයෙන් වෘත්තීය සමිති නායකයකු වන රංජන් ජයලාල් මහතා පත්කර තිබේ.
මැතිවරණ කොමිෂන් සභාව විසින් අද (ජුනි 01) නිකුත් කරන ලද අතිවිශේෂ ගැසට් නිවේදනයෙහි මේ බව දක්වා ඇත.
රංජන් ජයලාල් මහතා ලංකා විදුලිබල මණ්ඩලයේ ජනතා විමුක්ති පෙරමුණට අනුබද්ධ වෘත්තීය සමිතියේ නායකයා වශයෙන් දීර්ඝ කාලයක් කටයුතු කළ අයෙකි.
ඔහු 2024 මහමැතිවරණයට ද කොළඹ දිස්ත්‍රික්කයෙන් තරග වැදුණු නමුත් ජයග්‍රහණය කිරීමට අපොහොසත් විය.
