රෂිකා හෙන්නායක ජුනි 03, කොළඹ LNW :
කොළඹ බණ්ඩාරනායක සම්මන්ත්‍රණ ශාලාවේදී අද (03) දින, ලංකා විදුලිබල මණ්ඩලය ඉදිරිපත් කර ඇති විදුලි ගාස්තු සංශෝධන යෝජනාවලිය පිළිබඳ මහජන අදහස් විමසීමේ අවසන් සැසිය පැවැත්වෙන බව වාර්තා වේ.
ශ්‍රී ලංකා මහජන උපයෝගිතා කොමිෂන් සභාවේ අධ්‍යක්ෂ, ආයතනික සන්නිවේදන ජයනාත් හේරත් මහතා පැවසුවේ, විවිධ ක්ෂේත්‍ර නියෝජනය කරන 50කට අධික පිරිසක් අද දිනයේ වාචික අදහස් ඉදිරිපත් කිරීමට ලියාපදිංචි වී සිටින බවයි.
ඔහු වැඩිදුරටත් සඳහන් කළේ, ඉදිරිපත් වූ මහජන අදහස් ද සැලකිල්ලට ගනිමින් විදුලි ගාස්තු යෝජනාවලිය පිළිබඳ මහජන උපයෝගිතා කොමිෂන් සභාවේ අවසන් තීරණය ඉදිරි සති දෙක හෝ තුන ඇතුළත් ගැනීමට නියමිත බවයි.
