සටහන – රුවන් නෙළුගොල්ල
ශ්රී ලංකන් ගුවන් සේවය සඳහා ගුවන් යානයක් අලුතින් ලබාගත්තා මෙන්ම මෙතෙක් බිම්ගත කර තිබුණු ගුවන් යානා තුනක් අලුත්වැඩියා කර ගුවන් යානා ඇණියට එකතු කරගැනීමට ද කටයුතු කරමින් සිටින බව ප්රවාහන, මහාමාර්ග, වරාය හා සිවිල් ගුවන් සේවා අමාත්ය බිමල් රත්නායක පවසයි.
“වැදගත්ම දේ තියෙන්නෙ ශ්රී ලංකන් ගුවන් සේවය බංකොලොත් වෙලා ගන්නත් කෙනෙක් හිටියෙ නෑ, එතකොට ඉතාමත්ම මහන්සියෙන් අපි මාස හයක් වගේ කාලයක් ඇතුළතදී ශ්රී ලංකන් ගුවන් සේවයට වටිනා ගුවන් යානයක් – අන්තර්ජාතික ප්රමිතීන්ට අයත් ගුවන් යානයක් – ලංකාවේ අපි ගෙවලා තමයි ගන්නෙ. කිසිම කෙනෙක් ගුවන් යානයක් කඩේකට ගිහිල්ලා බයිසිකල් ටයර් එකක් ගන්නවා වගේ ගන්නෙ නෑ, ඒක ලීස් කරලා වාරික විදියට ගෙවලා තමයි ගන්නෙ. අපි ඒ ගුවන් යානය අරන් තිබෙනවා. දැනට ලංකාවේ තිබෙන ගුවන් යානා පද්ධතියට මේක විශාල වටිනාකමක් තිබෙනවා. ඉතින් අර පිරිසක් ඉන්නවානෙ ඉතාම හැම හොඳ දෙයක්ම නරක විදිහට විග්රහ කරන පුද්ගලයින් සහ ජනමාධ්ය, ඒගොල්ලන්ට ඉරිසියාවක් තියෙනවා අලුත් ආණ්ඩුව ඇවිල්ලා මිනිස්සුන්ට දෙයක් කරන එකට. අපි දුටුවා ඇත්තටම, මට ඇත්තටම කඳුළු ආවා ලංකාවේ සෝෂල් මීඩියා කොච්චර ඒ ගුවන් යානය පිළිගත්තාද කියලා. ලංකාවේ මිනිස්සු කොච්චර ශ්රී ලංකන් එකට ආදරේද කියලා. අපි දන්නවා ලෝකෙ වෙන ගුවන් සමාගම් ප්ලේන් එකපාර දහය, විස්ස ගන්නෙ. අපි එක ප්ලේන් එකක් ගන්නකොට ලංකාවේ මිනිස්සුන්ගෙ ප්රාර්ථනා අපි දැක්කා. ඉතින් ඒ නිසා අපි සතුටු වෙනවා ආණ්ඩුව ඇවිල්ලා මාස හයකින් ශ්රී ලංකන් ගුවන් සේවය ශක්තිමත් කරන්න අලුත් ගුවන් යානයක් ගත්ත එක ගැන. ඒ වගේම අවුරුදු තුනක් ග්රවුන්ඩ් කරලා තිබිච්ච ප්ලේන් තුනක් අපි එංජින් රෙපෙරාස් කරලා ඒවාත් ක්රියාත්මක කරන්න පටන් අරන් තිබෙනවා”
බිමල් රත්නායක අමාත්යවරයා මේ බව පැවසුවේ ලෝක පරිසර දිනය වෙනුවෙන් ඊයේ (ජුනි 05) පාර්ලිමේන්තුව මගින් සංවිධානය කළ රුක් රෝපණ වැඩසටහනකට එක්වීමෙන් අනතුරුව මාධ්ය වෙත අදහස් දක්වමිනි.
