සටහන: Adolf ගේ ඉංග්රීසි සටහන ඇසුරින් පරිවර්තනය – පුලී
ජූනි 08, LNW (කොළඹ): ශ්රී ලංකාවේ බාහිර ගිණුම් සහ වාර්තා වූ ගෙවුම් ශේෂ සංඛ්යාලේඛනවල අඛණ්ඩතාව පිළිබඳ විවාදයක් පාර්ලිමේන්තුවේ සහ ප්රසිද්ධ සාකච්ඡාවලදී මෑතකදී නැවත ඇති වූ ප්රකාශයන් මගින් යළිත් වරක් ඇති වී ඇති අතර, ආසන්න වශයෙන් ඇමරිකානු ඩොලර් මිලියන 808 ක පමණ විෂමතාවයක් පිළිබඳව එහිදී මූලික අවධානය යොමු වී තිබේ.
මෑතක දී ශ්රී ලංකා මහ බැංකුව (CBSL) සහ අනෙකුත් මුදල් බලධාරීන්ගෙන් වැඩි පැහැදිලි කිරීමක් මේ පිළිබඳ ඉල්ලා සිටි හිටපු අමාත්ය සහ පාර්ලිමේන්තු මන්ත්රී දයාසිරි ජයසේකරගේ අදහස් දැක්වීමෙන් පසුව මෙම ගැටළුව වඩාත් දෘශ්යමාන විය.
ජයසේකර මහතාට අනුව, IMF ආශ්රිත ලියකියවිලි සහ ඒ ආශ්රිත මූල්ය දත්ත, විධිමත් හෝ අවිධිමත් මාර්ග හරහා සැලකිය යුතු විදේශ විනිමය ප්රමාණයක් රටින් පිටතට ගලා ගොස් තිබේද යන්න පිළිබඳව ප්රශ්න මතු කරයි.
ජුනි 5 වන දින කොළඹ පැවති මාධ්ය හමුවකදී අදහස් දක්වමින් ඔහු, 2022 ස්වෛරී ණය අර්බුදයෙන් පසු ශ්රී ලංකාවේ බිඳෙනසුලු බාහිර තත්ත්වය සැලකිල්ලට ගෙන, අරමුදල් සංචලනය හදිසි පැහැදිලි කිරීමක් අවශ්ය කාරණයක් ලෙස විස්තර කළේය.
දැඩි විදේශ විනිමය පාලනයන් සහ ව්යුහාත්මක ගැලපුම් පියවරයන් මගින් සලකුණු කරන ලද කාල පරිච්ඡේදයක, සාපේක්ෂව අඩු මුදල් කාන්දුවීම් පවා සාර්ව ආර්ථික ඇඟවුම් ඇති කරන බව ඔහු තවදුරටත් තර්ක කළේය.
“ඇමරිකානු ඩොලර් මිලියන 800 කට අධික විෂමතාවයක්” පිළිබඳ සඳහන එතැන් සිට දේශපාලන හා මාධ්ය කතිකාවන්හි සෑම අස්සක් මුල්ලක් තුළම සංසරණය වී ඇතත්, මෙම සංඛ්යාව පිටුපස ඇති ක්රමවේදය හෝ ගිණුම්කරණ පදනම පිළිබඳ සවිස්තරාත්මක මහජන පැහැදිලි කිරීමක් තවමත් සම්පූර්ණයෙන් ලබා ගන්නට හැකි වී නොමැත.
ජාත්යන්තර මූල්ය අරමුදල හෙවත් IMF, ශ්රී ලංකාවේ විස්තීර්ණ අරමුදල් පහසුකම් වැඩසටහන පිළිබඳ දත්ත සමාලෝචන වාර්තාවලදී, දත්ත විනිවිදභාවය වැඩිදියුණු කිරීම, බාහිර අංශයේ සංඛ්යාලේඛන ශක්තිමත් කිරීම සහ ප්රාග්ධන ප්රවාහයන් පිළිබඳ අධීක්ෂණය දැඩි කිරීමේ වැදගත්කම නිරන්තරයෙන් අවධාරණය කර ඇත.
කෙසේ වෙතත්, IMF ලියකියවිලි සාමාන්යයෙන් ජාතික බලධාරීන් විසින් සපයනු ලබන දත්ත මත රඳා පවතින අතර, ගනුදෙනු අර්ථ නිරූපණය, කාල නිර්ණය හෝ වර්ගීකරණයේ වෙනස්කම් සමහර විට වැරදි පිළිබඳ ක්ෂණික නිගමනවලට වඩා තාක්ෂණික සංහිඳියාවක් අවශ්ය කරන තැනට පත්ව තිබේ.
බංකොලොත්භාවය!
මහබැංකු අධිපති ආචාර්ය නන්දලාල් වීරසිංහ යටතේ ශ්රී ලංකා මහ බැංකුව පාර්ලිමේන්තු අනුමැතියකින් තොරව බංකොලොත් බව ප්රකාශ කළ බවට විවේචකයෝ විසින් චෝදනා කරනු ලැබූහ. තවද, මහබැංකුව පොලී අනුපාත මට්ටම් ඉහළ නැංවූ බවට ද චෝදනා එල්ල විය.
මෙම පසුබිම තුළ, මහා පරිමාණයෙන් ගිණුම්ගත නොකළ ප්රාග්ධන පිටතට ගලා යාම පිළිබඳ චෝදනා හෝ යෝජනා ස්වභාවිකවම මහජන සංවේදීතාව ඉහළ නංවනු ඇත. එහෙත් ආර්ථික විද්යාඥයින් අනතුරු අඟවන්නේ ගෙවුම් ශේෂ සංඛ්යාලේඛන යනු වෙළඳ ප්රවාහ, සේවා, ප්රේෂණ, බාහිර ණය සේවාකරණය සහ මූල්ය ගිණුම් චලනයන් ඇතුළත් සංකීර්ණ එකතුවක් බවයි.
මෙම අදියරේදී අත්යවශ්ය වන්නේ අදාළ සංඛ්යාලේඛනවල පැහැදිලි, තාක්ෂණික ප්රතිසන්ධානයකි. සඳහන් කර ඇති දෑ වල විෂමතාවයක් පවතී නම්, එම විචලනය පුද්ගලික අංශයේ ප්රවාහයන්ගෙන්, රාජ්ය අංශයේ බැඳීම්වලින් හෝ සංඛ්යානමය ගැලපීම්වලින් ඇති වේද යන්න හඳුනා ගැනීම ඇතුළුව, IMF සමඟ සාකච්ඡා කිරීම ම ඔවුන්ගේ කාර්යයකි.
මහජන විශ්වාසය!
ඒ අතරම, ආර්ථික පාලනය පිළිබඳ මහජන විශ්වාසය තාක්ෂණික නිරවද්යතාවය මත පමණක් නොව විනිවිද පෙනෙන සන්නිවේදනය මත ද රඳා පවතී.
ආර්ථිකය අස්ථාවර කාලවලදී, පැහැදිලි කළ නොහැකි සංඛ්යා, විශේෂයෙන් විදේශ විනිමය සම්බන්ධ ඒවා ඉක්මනින් දේශපාලනීකරණය විය හැකි අතර, ස්ථාවර උත්සාහයන් කෙරෙහි විශ්වාසය ද ඉන් අඩපණ කළ හැකිය.
ශ්රී ලංකාව ජාත්යන්තර මූල්ය අරමුදලේ සහාය ලබන ප්රතිසංස්කරණ මාවතේ ඉදිරියට යන විට, දත්ත අඛණ්ඩතාව, ප්රාග්ධන ප්රවාහ සහ ප්රතිපත්තිමය බලපෑම් පිළිබඳ ප්රශ්න මහජන විවාදයන් තුළ එක එල්ලේ පවතිනු ඇත.
ඉඳින්, මහ බැංකු නායකත්වය ඇතුළු ප්රතිපත්ති සම්පාදකයින්ට ඇති අභියෝගය වනුයේ, දැඩි ලෙස පරීක්ෂාවට ලක් කරන ලද ආර්ථික පරිසරයක ආයතනික විශ්වසනීයත්වය පවත්වා ගනිමින් තාක්ෂණික පැහැදිලි කිරීම් පැහැදිලිව සන්නිවේදනය කිරීම සහතික කිරීමයි.
අවසාන වශයෙන් කිව යුත්තේ, වර්තමාන ගැටළු විසඳීම සඳහා දේශපාලන කතිකාවන් පමණක් නොව, දැඩි සංඛ්යාලේඛන සත්යාපනයක් සහ යටින් පවතින දත්තවල විවෘත හෙළිදරව් කිරීමක් ද අවශ්ය බවයි. වාසනාවකට මෙන්, ජනාධිපති AKD ගේ ඉංග්රීසි සහ ආර්ථික විද්යාව පිළිබඳ සීමිත දැනුම, මහබැංකුවට නම් වාසි සහගතය.
