Saturday, June 25, 2022
spot_img
spot_img

Latest Posts

කාන්තා හා ළමා කටයුතු සහ සමාජ සවිබලගැන්වීම් පවිත්‍රාටද, ඩයනාටද ?

පසුගියදා අලුතින් ගැසට් කෙරුණු කාන්තා හා ළමා කටයුතු සහ සමාජ සවිබල ගැන්වීම් අමාත්‍යාංශය සඳහා හිටපු ඇමතිනී පවිත්‍රා දේවී වන්නිආරච්චි මහත්මියගේ නමත් හිටපු රාජ්‍ය ඇමතිනී ඩයනා ගමගේ මහත්මියගේ නමත් යෝජනා වී ඇති බව වාර්තා වේ.

ජ්‍යේෂ්ඨත්වය අතින් පවිත්‍රා වන්නිආරච්චි මහත්මිය ඉදිරියෙන්ම සිටියත් පසුගිය සමයේ සෞඛ්‍ය, විදුලිබල සහ ප්‍රවාහන අමාත්‍යාංශ තුනේදීම ඒ මහත්මිය අසාර්ථක වූ බැවින් මෙන්ම පසුගිය කැබිනට් මණ්ඩලවල තනතුරු දැරූ ඇමතිවරුන් සම්බන්ධයෙන් පොදුවේ ජනතාව අතර පවතින දැඩි අප්‍රසාදයත් අනුව කාන්තා හා ළමා කටයුතු සහ සමාජ සවිබලගැන්වීම් අමාත්‍යාංශය ඩයනා ගමගේ මහත්මියට හිමිවීමේ වැඩි ඉඩක් පවතින බවයි අභ්‍යන්තර ආරංචිමාර්ග සඳහන් කළේ.

මේ සම්බන්ධයෙන් ආණ්ඩු පක්ෂයේ මන්ත්‍රීවරුන් අතර සිදුවුණු කතාබහකදී කියැවී ඇත්තේ “මුට්ටි ගඟට දැමීමේ අමාත්‍යාංශයක්” පිහිටුවන්නේ නම් පවිත්‍රා වන්නිආරච්චි මහත්මිය ඊට සුදුසු බවත් පසුගිය ආණ්ඩුව විහිළුවක් බවට පත් කළ ඇයට මේ මොහොතේ අතිශයින් තීරණාත්මක සමාජ සවිබලගැන්වීම් වැනි විෂයයක් නම් කිසිසේත්ම භාර නොදිය යුතු බවත් ය.

මීට ප්‍රතිපක්ෂව ඩයනා ගමගේ මහත්මිය රටේ ආර්ථිකය ගොඩගැනීම වෙනුවෙන් උනන්දුවක් සහිතව, විවේචන සහ අවලාද පවා නොතකා තම මතය ඉදිරිපත් කරන සහ ඒ වෙනුවෙන් පෙනී සිටින මන්ත්‍රීවරියක් වශයෙන් මෙන්ම වැඩක් කිරීමේ උනන්දුවක් සහිත මන්ත්‍රීවරියක් වශයෙන් ආණ්ඩු පක්ෂය තුළ කතාබහට ලක්ව ඇති බව සඳහන්.

ඒ අනුව ඉහත කී අමාත්‍ය ධුරය බොහෝදුරට ඩයනා ගමගේ මහත්මියට හිමිවනු ඇති බවයි ආරංචිමාර්ග පැවසුවේ.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.