සටහන: සශිකලා මධුෂාණි, ජුනි 13,
ලෝකය (අවුට්බවුන්ඩ් ටුඩේ) : දක්ෂිනාංශික ජනාධිපති ජේවියර් මිලේ විසින් රටේ ආර්ථික පුනර්ජීවනය වෙනුවෙන් ගෙන එන ලද පනත් කෙටුම්පතට විරෝධය පල කරමින් අජන්ටිනාව පුරා විරෝධතා ව්‍යාපාර ආරම්භ කර ඇති බව වාර්තා වේ.
ඊයේ(12) දිනයේදී මෙම ප්‍රරතිසංස්කරණ සඳහා නීති සම්පාදකයින් සිය අනුමැතිය ලබා දීමට පෙර, ආජන්ටිනාවේ බුවනෝස් අයර්ස් අගනුවර කැරලි මර්දන පොලිසිය කොන්ග්‍රසයෙන් පිටත විරෝධතාකරුවන් විසුරුවා හැරීම සඳහා කඳුළු ගෑස් සහ ජල ප්‍රහාර එල්ල කර තිබේ.
මෙම පියවර මගින් ආජන්ටිනාවේ මිලියන ගණනකට හානියක් සිදුවනු ඇතැයි පවසන පෙලපාලිකරුවන්, දේශපාලන පක්ෂ, කම්කරු සංගම් සහ සමාජ සංවිධාන වැටවල් හරහා කොන්ග්‍රසය දෙසට යාමට උත්සාහ කළ විට ගැටුමක් ඇති වී තිබේ. ගැටුම් හේතුවෙන් පොලිස් නිලධාරීන් 20දෙනෙකු ඇතුළුව විරෝධතාකරුවන් විශාල ප්‍රමානයක් තුවාල ලබා ඇති අතර 15 දෙනෙකු අත්අඩංගුවට ගෙන තිබේ.
විරෝධතාකරුවන් පෙට්‍රල් බෝම්බ සහ ගල් ප්‍රහාරයක් එල්ල කර එක් මෝටර් රථයක් ගිනිබත් කර තිබු අතර ප්‍රතිසංස්කරණ පැකේජයට ආර්ථික හදිසි තත්වයක් ප්‍රකාශ කිරීම, විශ්‍රාම වැටුප් කප්පාදු කිරීම සහ කම්කරු අයිතීන් උල්ලංගනය, රජයේ රැකියා කප්පාදු කිරීම්, පොදු වැඩ කොන්ත්‍රාත්තු අත්හිටුවීම මෙන්ම ඉන්දන හා ප්‍රවාහන සහනාධාර ඉවත් කිරීම් ඇතුලත් වේ.
මේ වන විට අජන්ටිනාවේ වාර්ෂික උද්ධමනය 300%කට ආසන්නව ඇති අතර මෙම නව පනත් කෙටුම්පත අදින වසර 100ක් අතීතයට රට ගෙන යන බවයි විරෝධතාකරුවන් වැඩිදුරටත් සඳහන් කර තිබුණේ,
