මේ වනවිට ගොඩබාමින් පවතින නෞකාවේ ගෑස් ලබාදෙන්නේ රෝහල්, හෝටල්, ආදහනාගාර ඇතුළු තොග වශයෙන් ගෑස් මිලදී ගත් පාර්ශ්වලට පමණක් බව අග්‍රාමාත්‍ය රනිල් වික්‍රමසිංහ මහතා පවසයි.
“දැනට මේ රටට ගෑස් ගෙනෙන එක නැවක් පැමිණිලා තියෙනවා. ගෑස් මෙට්‍රික් ටොන් 3500ක් ඒ නැවේ තිබෙනවා. මේ ගෑස් ලබාදෙන්නෙ අපි විශේෂයෙන්ම තොග වශයෙන් මිලදී ගත්ත අයට. රෝහල්, හෝටල්, ආදාහනාගාර වැනි කණ්ඩායම්වලට ලබලා දෙන්නෙ. ඊට පස්සේ එන නැව්වලින් අපට අවස්ථාව ලැබෙනවා මාස 4කට ගෑස් ලබාගන්න. දැනට තියෙන හැටියට දවස් 14ක් යනවා ඒක ලබාගන්න, නමුත් අපි බලාපොරොත්තු වෙනවා ඊට ඉස්සෙල්ලා එක නැවක් හරි ලංකාවට ගේන්න. දැන් ඒකට සාකච්ඡා කරගෙන යනවා”
අග්‍රාමාත්‍ය රනිල් වික්‍රමසිංහ මහතා ඊයේ (13) දිනයේදී මේ බව මාධ්‍ය වෙත ප්‍රකාශ කළේය.
දැනට ගොඩබාමින් පවතින්නේ මුදල් ගෙවාගැනීමට ප්‍රමාද වීම නිසා පසුගිය දින 6 ම ශ්‍රී ලංකා මුහුදු සීමාවේ රැඳී සිටි ගෑස් නෞකාව යි.
RN
