රෂිකා හෙන්නායක ජූනි 17, කොළඹ LNW :
කසල තේ කිලෝ 4,294ක් ලොරි රථයකින් ප්‍රවාහනය කරමින් සිටි සැකකරුවෙකු පොලිස් විශේෂ කාර්ය බලකාය මගින් අත්අඩංගුවට ගෙන තිබෙන බව වාර්තා වේ.
ඒ, පොලිස් විශේෂ කාර්ය බලකායේ ගම්පොළ කඳවුරේ නිලධාරීන් කණ්ඩායමක් විසින් ලද තොරතුරක් මත දවුලගල, දෙල්ලංග ප්‍රදේශයේ සිදු කළ වැටලීමකදීයි.
අත්අඩංගුවට ගත් සැකකරු 60 හැවිරිදි වියේ පසුවන මුරුතගහමුල ප්‍රදේශයේ පදිංචිකරුවෙක් බවට අනාවරණ වී ඇත.
සිද්ධිය සම්බන්ධයෙන් දවුලගල පොලීසිය වැඩිදුර විමර්ශන සිදු කරන බව වාර්තා වේ.
