ශ්‍රී ලංකාවේ විදෙස් ණය ආපසු නොගෙවීමට පසුගිය වසරේදී ගත් තීරණයේ වගකීම අදටත් තමන් භාරගන්නා බව අමාත්‍ය මොහොමඩ් අලි සබ්‍රි මහතා පවසයි.
ප්‍රශ්නය – එදා අපි ණය ගෙවන්නේ නෑ කියලා ගත්තු තීරණයේ වගකීම ඔබ අදටත් භාරගන්නවාද ?
“අනිවාර්යයෙන්ම. අපි ඒක සාමූහිකව ගත්ත තීරණයක්. ප්‍රධාන වශයෙන් ඒ යෝජනාව ආවෙ මූල්‍ය මණ්ඩලයෙන්. මූල්‍ය මණ්ඩලයේ ප්‍රධානියා හැටියට ඉන්නෙ මහබැංකු අධිපති. ඊට පස්සේ ඒ පිළිබඳ කරුණු මට ඉදිරිපත් කළා මහබැංකු අධිපතිතුමා සහ භාණ්ඩාගාර ලේකම්තුමා. මට යෝජනා කළාට පස්සෙ – විශේෂඥ මණ්ඩලයක් අපට තිබුණා කුමාරස්වාමි මැතිතුමායි ශාන්ත දේවරාජන් මැතිතුමායි, ෂාමිනී කුරේ මහත්මියයි – ඒගොල්ලොත් එක්ක සාකච්ඡා කළාට පස්සේ මට ලැබුණු තොරතුරු අනුව සහ අපට තිබුණු ඔප්ෂන්ස් ටික එක්ක බලනකොට ඒක තමයි ගත හැකි හොඳම තීරණය”
ප්‍රශ්නය – ඔබ හිතනවාද අදටත් ඒ තීරණය හරියි කියලා ?
“අනිවාර්යයෙන්ම. ඒකෙන් තමයි රට නැවත පුනරාගමනයට, ආර්ථික ප්‍රගමනයට ආවේ”
ප්‍රශ්නය – ඒ කියන්නෙ ඔබ දැනටත් ඒ තීරණය වෙනුවෙන් පෙනී සිටිනවාද ?
“අනිවාර්යයෙන්ම”
මොහොමඩ් අලි සබ්‍රි මහතා මේ බව පැවසුවේ හිරු රූපවාහිනී නාලිකාවේ දේශපාලන සංවාදයකට එක්වෙමිනි.
RN
