ඊයේ (23) පැවති භාණ්ඩාගාර බිල්පත් වෙන්දේසියෙන් පෙර සතියේ අනුපාතවලට අනුව මහ බැංකුවට උපයා ගැනීමට හැකි වූයේ බිලියන 31ක් පමණි. ඒ නිසා ඔවුන්ට වෙළෙඳපොළට නිකුත් කළ බිලියන 93න් බිලියන 63ක හිඟයක් අත්විදීමට සිදුවිය.
බොහෝ දුරට එම හිඟ අගය අලුතින් මුද්‍රණය කර මුදා හැරීමට මහ බැංකුවට සිදුවනු ඇත. පසුගිය සතියේ මුද්‍රණය කරන ලද බිලියන 48 සමඟ මේ වන විට නන්දලාල් වීරසිංහගේ ‘ස්වාධීන මහ බැංකුව’ විසින් මුද්‍රණය කෙරුනු මුළු මුදල බිලියන 316ක් වේ.
කෙසේ වෙතත්, IMF වැඩසටහන ආරම්භ වන විට, මෙම ‘මුදල් මුද්‍රණ ව්‍යාපාරය’ නතර කිරීමට රජයට සහ මහ බැංකුවට සිදුවනු ඇත. ඉන්පසු රජය රාජ්‍ය සේවක වැටුප්, විශ්‍රාම වැටුප්, ඉන්ධන ආදිය සදහා ගෙවීම් සිදු කරන්නෙ කෙසේදැයි බලාගන්නට පුළුවන.
