සටහන – රෂිකා හෙන්නායක
කොළඹ (LNW): චයිනා හාබර් ඉංජිනේරු සමාගම (CHEC) කොළඹ වරාය නගරයේ ඇමෙරිකානු ඩොලර් බිලියන 1.2ක් ආයෝජනය කරන බවට සහතික වී ඇත .ඒ CHEC සභාපති බායි යින්ෂාන් මහතා ශ්‍රී ලංකා විදේශ අමාත්‍ය මොහොමඩ් අලි සබ්රි සමඟ බීජිං හි ප්‍රධාන කාර්යාලයේ අද (26) පැවති සාකච්ඡාවකදීය .
CHEC Port City Colombo (Pvt.) Ltd, China Harbour Engineering Company (CHEC) හරහා පවත්වාගෙන යනු ලබන අතර එය සීමාසහිත China Communications Construction Company (CCCC) හි කොටසකි.
ජූනි 27 සිට ජූනි 29 දක්වා Tianjin හිදී පැවැත්වෙන ලෝක ආර්ථික සමුළුවට සහභාගී වීම සඳහා ශ්‍රී ලංකා විදේශ අමාත්‍යවරයා මේ දිනවල චීනයට ගොස් සිටින අතර සබ්රි මහතා අද බීජිං හි දී චීන අපනයන-ආනයන බැංකුවේ (EXIM) සභාපතිවරයා හමුවී ශ්‍රී ලංකාවේ දැනට ක්‍රියාත්මක වන ණය ප්‍රතිව්‍යුහගත කිරීමේ වැඩසටහන සමඟ ඉදිරි ගමන පිළිබඳව සාකච්ඡා කර ඇත .
මෙහිදී විදේශ අමාත්‍යවරයා ප්‍රකාශ කර ඇත්තේ දිවයිනේ ආර්ථික ප්‍රකෘතිය සහ වර්ධනය සඳහා චීනය සහාය දක්වන බවට තමාට සහතික වූ බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
