ලිට්රෝ ගෑස් ලංකා සමාගමේ සහ ලිට්රෝ ගෑස් ටර්මිනල් ලංකා ලිමිටඩ් යන ආයතනවල බළධාරීන් හෙට පාර්ලිමේන්තුවේ පොදු ව්‍යාපාර පිළිබඳ කාරක සභාව හමුවට කැඳවීමට නියමිතය. අදාල ආයතනවල ක්‍රියාකාරීත්වය සම්බන්ධයෙන් සහ ගෑස් අර්බුදය විසඳීම සඳහා ගෙන ඇති ක්‍රියාමාර්ග සම්බන්ධයෙන් එහිදී විමසනු ඇත.
මේ අතර මහජන උපයෝගීතා කොමිසමේ බළධාරීන් ලබන 06 වැනිදා කෝප් කමිටුව හමුවේ පෙනී සිටීමට නියමිත බවයි වාර්තා වන්නේ.
රජයේ ගිණුම් කාරක සභාව සහ රජයේ මුදල් කාරක සභාවද හෙට දිනයේදී රැස්වීමට නියමිත අතර ප්‍රවාහන හා මහාමාර්ග අමාත්‍යංශයේ නිළධාරීන් රජයේ ගිණුම් කාරක සභාව හමුවේත් දේශීය ආදායම් දෙපාර්තමේන්තුවේ නිළධාරීන් රජයේ මුදල් කාරක සභාව හමුවේත් පෙනී සිටිනු ඇත.
UN
