Sunday, August 14, 2022
spot_img
spot_img

Latest Posts

විස්වසනීය ස්ථාවර පාලනයක් රටට අවශ්‍යයි, ඒකට අපි සූදානම් – අනුර

රනිල් වික්‍රමසිංහ ආණ්ඩුව සම්බන්ධයෙන් රටතුළ මෙන්ම ජාත්‍යන්තරය තුළද විස්වාසය බිඳවැටී ඇති බව ජනතා විමුක්ති පෙරමුණේ නායක අනුර දිසානායක මහතා පවසනවා. රටේ ජනතාවගේත් ජාත්‍යන්තරයේත් විස්වාසය දිනා ගැනීමකින් තොරව රටක් පාලනය කළ නොහැකි බවද ජවිපෙ නායකයා සඳහන් කරයි.

ඒ නිසා රටට මේ මොහොතේ අවශ්‍ය විස්වසනීය ස්ථාවර පාලනයක් බවයි ඔහු පෙන්වා දෙන්නේ.

ආණ්ඩුව සම්බන්ධයෙන් විස්වාසයක් නොමැතිව කිසිදු රටක් ශ්‍රී ලංකාවට සහාය ලබා නොදෙන බවත්, ඉන්ධන ආනයනය ඇතුළු ආනයන කටයුතු සඳහා හේතු වී තිබෙන්නේද රටේ විස්වාසය බිඳවැටීම බවත් ඔහු වැඩිදුරටත් පෙන්වා දෙනවා.

රටේ ජනතාවගේත් ජාත්‍යන්තරයේත් විස්වාසය දිනාගත හැකි පාලනයක් ස්ථාපිත කිරීම සඳහා ජනතා විමුක්ති පෙරමුණ ප්‍රමුඛ ජාතික ජන බලවේගය සූදානම් බවද අනුර දිසානායක මහතා පවසයි. එම පාලනය යටතේ රටේ අර්බුද විසඳීම සඳහා අත්‍යවශ්‍ය කරුණු 05 ක් සම්පූර්ණ කරගත යුතු බව ජවිපෙ නායකයා පවසනවා.

විදෙස් ණයක් ලබා ගැනීම, ගෙවීමට ඇති ණය පසුව ගෙවීම, විදෙස් සහ ශ්‍රමිකයින්ගෙන් මුදල් උපයා ගැනීම, සංචාරක ව්‍යාපාරයෙන් මුදල් උපයා ගැනීම සහ පාරිභෝජන රටාවේ සිදුකරන වෙනස්කම් එම කරුණු 05 බවයි දිසානායක මහතා අද පැවති මාධ්‍ය හමුවකදී සඳහන් කළේ.

UN

Latest Posts

spot_img

Don't Miss

Stay in touch

To be updated with all the latest news, offers and special announcements.