රෂිකා හෙන්නායක ජූලි 08, කොළඹ LNW :
ශ්‍රී ලංකාවේ මඩකලපුව, අම්පාර සහ මොණරාගල දිස්ත්‍රික්ක සඳහා කාලගුණ විද්‍යා දෙපාර්තමේන්තුව විසින් උණුසුම් කාලගුණ අවවාදාත්මක නිවේදනයක් නිකුත් කරයි.
හෙට (09) දිනයේදී එම ප්‍රදේශවල උෂ්ණත්වය අවධානය යොමු කළ යුතු මට්ටමකට ඉහළ යා හැකි බැවින් මහජනතාව ඒ පිළිබඳව දැඩි ලෙස සැලකිලිමත් විය යුතුය.
අධික රශ්මියෙන් ආරක්ෂා වීම සඳහා ප්‍රමාණවත් පරිදි ජලය පානය කිරීම, සැහැල්ලු ඇඳුම් ඇඳීම සහ එළිමහන් වැඩකටයුතු සීමා කිරීම වැනි සෞඛ්‍යාරක්ෂිත පියවර අනුගමනය කරන ලෙස මෙහිදී උපදෙස් ලබා දී ඇත.
විශේෂයෙන්ම වැඩිහිටියන් සහ රෝගීන්ගේ සුවදුක් විමසීම මෙන්ම කුඩා දරුවන් සංවෘත වාහන තුළ තනිවම රඳවා නොතැබීම කෙරෙහි ද මෙහිදී අවධාරණය කෙරේ.
මෙම නිවේදනය මඟින් උත්සාහ කරන්නේ අධික තාපය හේතුවෙන් සිදුවිය හැකි සෞඛ්‍ය අවදානම් අවම කර ගැනීමට මහජනතාව දැනුවත් කිරීමයි.
