ජනාධිපතිවරයාට සහ ආණ්ඩුවට ඉල්ලා අස් වන්නැයි බලකරමින් මේ වනවිට දහස් ගණන් ජනතාව කොළඹට එකතුවෙමින් සිටී. මීට අමතරව දිවයින පුරා ප්‍රධාන නගර රැසක විරෝධතා පැවැත්වෙන බවයි වාර්තා වන්නේ.
කොට්ටාව ප්‍රදේශයෙන් ආරම්භ වූ පා ගමනක් මහරගම පසුකර මේ වනවිට නුගේගොඩ නගරය වෙත පැමිණ තිබෙනවා.
පා ගමන මහරගම නගරය පසු කරමින් සිටියදී විශේෂ සිදුවීමක් සිදු වූ අතර ට්‍රැෆික් බයිසිකලයකින් පැමිණි පොලිස් නිළධාරියෙකු තමා පැළඳ සිටි හෙල්මටයද විසිකර දමා අරගලකරුවන් හා එක්වන අයුරු දක්නට ලැබිණි.
මේ වනවිට පොලිස් නිළධාරීන් දහස් ගණනක් කොළඹ නගරය වෙත කැඳවා තිබෙන නමුත්, දහස් ගණනින් කොළඹ නගරයට එක්වන අරගලකරුවන් පාලනය කිරීමට ඔවුන් අසමත්ව සිටී. අරගලකරුවන් පොලීසිය ඇතුළු ආරක්ෂක අංශ සාමාජිකයන්ගෙන් ඉල්ලා සිටින්නේ ජනතාවිරෝධී පාලකයන් ආරක්ෂා කිරීම පසෙක තබා තමා හා එක්වන ලෙසයි.
UN
