හිටපු පොලිස්පති සී.ඩී. වික්‍රමරත්න මහතාට තවත් මාස තුනක සේවා දිගුවක් ලබාදී තිබේ.
මහජන ආරක්ෂක අමාත්‍ය ටිරාන් අලස් මහතාගේ නිර්දේශය මත ජනාධිපති රනිල් වික්‍රමසිංහ මහතා විසින් මෙම සේවා දිගුව ලබාදී ඇත.
ඒ මාස තුන ඇතුළත මීළඟ පොලිස්පති ධුරය සඳහා සුදුසුකම් සහිත ජ්‍යේෂ්ඨ නියෝජ්‍ය පොලිස්පතිවරයා තෝරාගැනෙනු ඇති බව සඳහන්.
සී.ඩී. වික්‍රමරත්න මහතා පසුගිය මාර්තු 26 වනදා විශ්‍රාම යාමට නියමිතව සිටි අතර එහිදී ජනාධිපතිවරයා විසින් මාස තුනක සේවා දිගුවක් ලබාදෙන ලදී. එම මාස තුනක කාලය පසුගිය ජුනි 26 වනදායින් අවසන් විය. ඒ අනුව අද සිට ලැබෙන සේවා දිගුව වික්‍රමරත්න මහතාගේ දෙවැනි සේවා දිගුවයි.
RN
