සටහන – පුලී
ජූලි 11, LNW (කොළඹ): 2026 FIFA ලෝක කුසලාන අවසන් තරගයේ අර්ධකාලීන ප්රසංගය සඳහා ලොව ජනප්රිය ගායක ජස්ටින් බීබර් එක්වන බව FIFA සහ Global Citizen සංවිධානය නිවේදනය කර තිබේ.
ඇමෙරිකාවේ නිව්යෝර්ක්–නිව් ජර්සි ක්රීඩාංගණයේදී ජූලි 19 වැනිදා පැවැත්වෙන මෙම ප්රථම FIFA World Cup™ Final Halftime Show සඳහා ජස්ටින් බීබර් ප්රධාන ශිල්පියෙකු ලෙස එක්වනු ඇත.
මෙම විශේෂ ප්රසංගය FIFA Global Citizen Education Fund සඳහා සහය දැක්වීමේ අරමුණින් සංවිධානය කෙරේ. එම අරමුදලේ ඉලක්කය වන්නේ ලොව පුරා දරුවන්ට ගුණාත්මක අධ්යාපනය සහ පාපන්දු අවස්ථා පුළුල් කිරීම සඳහා ඇමෙරිකානු ඩොලර් මිලියන 100ක් රැස් කිරීමයි.
ජස්ටින් බීබර් සමඟ මැඩෝනා, ශකීරා සහ BTS ද මෙම ඉතිහාසගත ප්රසංගයේ ප්රධාන ශිල්පීන් ලෙස එක්වීමට නියමිතය. මීට අමතරව බර්නා බෝයි, ජාත්යන්තර ප්රසිද්ධ වාදක ගුස්ටාවෝ ඩුඩමෙල් සහ Webby සම්මානලාභී PS22 Chorus කණ්ඩායම Coldplay සමඟ එක්ව ප්රසංගයට දායක වනු ඇත.
විනාඩි 11ක මෙම සජීවී ප්රසංගය ක්රීඩාව සහ සංගීතය හරහා ලෝක ජනතාව එකට එක් කරන සුවිශේෂී අවස්ථාවක් ලෙස සැලකේ.
FIFA පවසන්නේ මේ වන විටත් අරමුදල සඳහා ඇමෙරිකානු ඩොලර් මිලියන 50කට වැඩි මුදලක් රැස් කර ඇති බවයි. 2026 FIFA ලෝක කුසලාන තරග සඳහා අලෙවි වන සෑම ප්රවේශ පත්රයකින්ම ඩොලර් 1 බැගින් ලෝකය පුරා සමාජ ව්යාපෘති සඳහා පරිත්යාග කිරීමට නියමිතය.
