කොළඹ LNW:22 වැනි ආණ්ඩුක්‍රම ව්‍යවස්ථා සංශෝධනයෙන් ජනාධිපතිවරණයට බාධාවක් නොවන අතර එය ව්‍යවස්ථාවේ වගන්තියක් සංශෝධනය කිරීමක් පමණක් වන බව පාර්ලිමේන්තු මන්ත්‍රී අනුර ප්‍රියදර්ශන යාපා මහතා පවසයි.
ඒ අනුව 19 ව්‍යවස්ථා සංශෝධනයට අනුරූපව ජනාධිපතිගේ ධූර කාලය වසර පහ ලෙස වෙනස් කිරීම සඳහා ජනමත විචාරණයක අවශ්‍යතාවක් නොමැති බව නියෝගයක් පවතින බවයි මන්ත්‍රීවරයා සඳහන් කරන්නේ.
මෙම තත්ත්වය මත ව්‍යවස්ථා සංශෝධනය හා ජනාධිපතිවරණය අතර සම්බන්ධයක් නොමැති බව හෙතෙම කියාසිටියි.
ඒ අනුව ජනාධිපතිවරණය කල්දැමීමේ හැකියාවක් මෙම ව්‍යවස්ථා සංශෝධනය පසුපස නොමැති බව මන්ත්‍රීවරයා තවදුරටත් තහවුරු කරයි.
ආශිකා බ්‍රාහ්මණ
