රනිල් වික්‍රමසිංහ මහතා ජනාධිපති ධූරයේ වැඩ භාරගෙන පැය 24ක් යාමට පෙර සිවිල් ජනතාව වෙත එල්ල කරන ලද අමානුෂික හා නීතිවිරෝධී පහර දීම සම්පූර්ණයෙන්ම හෙළා දකින බව අගරදගුරු ඇති උතුම් මැල්කම් කාදිනල් රන්ජිත් හිමිපාණන් වහන්සේ අවධාරණය කළහ.
ඒ, අද (22) කොළඹදී මාධ්‍ය හමුවක් කැඳවමිනි.
ව්‍යවස්ථාව ආරක්ෂා කිරීමට යැයි පවසමින් පාර්ලිමේන්තු මන්ත්‍රීවරුන්ගේ පමණක් වැඩි ජන්දයෙන් ජනාධිපති ධූරයට පත්වූ එතෙක් පාර්ලිමේන්තුව තුළ කිසිදු ජන අභිමතයක් නොමැති රනිල් වික්‍රමසිංහ ජනාධිපතිවරයා මෙම පහර දීම මඟින් ආණ්ඩුක්‍රම ව්‍යවස්ථාවෙන් ජනතාවට ලබාදී ඇති ප්‍රක්ෂණයේ හා විරෝධතා දැක්වීමේ මූලික අයිතිවාසිකම් සම්පූර්ණයෙන්ම කඩ කර ඇති බවයි උන්වහන්සේ පැවසුවේ.
දෙස් විදෙස් මාධ්‍යවේදීන්ට ද පොලීසිය හා හමුදාව යොදවා පහර දීම හෙළා දකින අතර මෙම ව්‍යවස්ථා විරෝධී හා මිලේච්ජ ප්‍රහාරය ගැන ස්වාධීන හා විනිවිදභාවයෙන් යුතු විමර්ශනයක් සිදුකර එයට පණ දුන් සියලු දෙනාට එරෙහිව නීතිය ක්‍රියාත්මක කිරීමට බලකරන ලෙස ජාත්‍යන්තර ප්‍රජාවෙන් මෙන්ම මානව හිමිකම් කවුන්සිලයෙන් ද ඉල්ලා සිටින බව උන්වහන්සේ ප්‍රකාශ කළහ.
ASK
