ආශිකා බ්‍රාහ්මණ
කොළඹ LNW:අල සහ එළවළු වගාවන් සඳහා නව රක්ෂණ යෝජනා ක්‍රමයක් කෘෂිකාර්මික හා ගොවිජන රක්ෂණ මණ්ඩලය විසින් හඳුන්වාදී තිබේ.
බතල, මඤ්ඤොක්කා, කිරි අල, බීට්, ගෝවා, කැරට්, ලීක්ස්, බටු, බණ්ඩක්කා, බෝංචි, මාළු මිරිස්, තක්කාලි, කරවිල, වට්ටක්කා ආදී කෘෂිකර්ම දෙපාර්තමේන්තුවේ නිර්දේශිත බෝග වගා මෙම රක්ෂණ යෝජනා ක්‍රමයට යටත් වන බවයි කෘෂිකාර්මික හා ගොවිජන රක්ෂණ මණ්ඩලය සඳහන් කරන්නේ.
මූලික රක්ෂිත මුදලින් 7%ක මුදලක් පමණක් වාරිකයක් ලෙස ගෙවා රක්ෂණාවරනයක් ලබා ගැනීමට හැකියාව පවතින අතර ඒ මගින් ස්වාභාවික ආපදා, පාලනය කළ නොහැකි ශාක රෝග හා කෘමි හානි, වන අලි හානි සඳහා වන්දි මුදල් වගාකරුට හිමිවෙයි.
අවදානම කළමනාකරණය කිරීම තුළින් ගොවියා වගාව කෙරෙහි රඳවා ගැනීම මෙම රක්ෂණ යෝජනා ක්‍රමවල ප්‍රධාන අරමුණ බව කෘෂිකාර්මික හා ගොවිජන රක්ෂණ මණ්ඩලය පවසයි.
