Wednesday, August 10, 2022
spot_img
spot_img

Latest Posts

තරුණයින් අත්අඩංගුවට ගැනීම වෙනුවට ආර්ථිකය කඩා වැටීමට හේතු හොයන්න – රාසමානික්කම්

ආර්ථිකය දරණු තත්ත්වයකට ඇද වැටීමට හේතු සෙවීම වෙනුවට හදිසි නීතිය යටතේ සාමාන්‍ය මහජනතාව අත්අඩංගුවට ගැනිමින සිටින බව පාර්ලිමේන්තු මන්ත්‍රී ශානකියන් රසමානික්කම් මහතා පවසයි.

මෙම තත්ත්වය සම්පූර්ණයෙන්ම හෙලාදකින බවයි මන්ත්‍රීවරයා සඳහන් කරන්නේ.

අධිපති අජිත් නිවාඩ් කබ්රාල් සම්බන්ධයෙන් කිසිදු පරීක්ෂණයක් නොමැති අතර මුදල් ඇමතිවරුන් ලෙස කටයුතු කළ මහින්දරාජපක්ෂ, බැසිල් රාජපක්ෂ,සහ අලි සබ්‍රි යන අය සිය වගකීම් නිසියාකාරව ඉටු නොකිරීම නිසා මේ වන විට බඩු මිල ඉහළ ගොස් තිබෙන බව හෙතෙම සඳහන් කරයි.

”අද හදිසි නීතිය පාවිච්චි කරලා සාමාන්‍ය මහජනතාව අත්අඩංගුවට ගන්නවා. අපි මේක තරයේ හෙළා දකිනවා. රටේ ආර්ථිදෙමළ ජාතික සන්ධානය ක ප්‍රශ්න මෙච්චර දරුණු වෙන්න හේතුව මොකක්ද? විශේෂයෙන්ම මහබැංකුවේ හිටපු අධිපති අජිත් නිවාඩ් කබ්රාල් පිළිබඳව පරීක්ෂණයක් නැහැ. මහින්ද රාජපක්ෂ,බැසිල් රාජපක්ෂ,අලි සබ්‍රි යන අය මුදල් අමාත්‍යවරු ලෙස කටයුතු කළා. ඔවුන් තමන්ගේ වගකීම් නිසියාකාරයෙන් ඉටු නොකිරීම නිසා තමයි බඩු මිල මෙච්චර දුරට වැඩි වෙලා තියෙන්නේ. ලෝක වෙළෙඳපොලේ බඩුමිල වැඩි වීම නිසා මේ තත්ත්වය ඇති වුණා කියනවා නම් ඒක බොරුවක්. රනිල් වික්‍රමසිංහ ජනාධිපති වුණාට පස්සේ හදිසි නීතිය පාවිච්චි කරමින් ගෝඨා ගෝ හෝම් අරගලකරුවන් අත්අඩංගුවට ගනිමින් සිටිනවා මිසක් ආර්ථිකය මෙච්චර දරුණු වීමට හේතු හොයන්නේ නැත්තේ ඇයි?කොල්ලකාපු වත්කම් නැවත ලබාදෙන්න කියල සටන් කරපු තරුණයින් තමයි අද අත්අඩංගුවට ගනිමින් ඉන්නේ.”

මඩකලපුව ප්‍රදේශයේ පැවති මාධ්‍ය හමුවකදීයි මන්ත්‍රීවරයා මෙම අදහස් පළකළේ.

ASK

Latest Posts

spot_img

Don't Miss

Stay in touch

To be updated with all the latest news, offers and special announcements.