මේ වන විට සර්ව පාක්ෂික ආණ්ඩුවක් ගැන කතා කරන එක විහිළුවක් බවට පත්ව තිබෙන බව සමඟි ජන බලවේගයේ පාර්ලිමේන්තු මන්ත්‍රී ෆීල්ඩ් මාෂල් සරත් ෆොන්සේකා මහතා පවසයි.
සර්ව පාක්ෂික ආණ්ඩුවක් සම්බන්ධයෙන් රනිල් වික්‍රමසිංහ මහතා කතා කරන විට තමන් සිතුවේ ජනාධිපති බලතල අඩු කර 19 වැනි ව්‍යවස්ථා සංශෝධනය බලාත්මක කරමින් ශක්තිමත් අගමැතිවරයෙක් පත්කර නිවැරදි මාර්ගයට රට ගනු ඇති බව වුවද එවැන්නක් දැන් පෙනෙන්නට නැති බවයි ෆොන්සේකා මහතා සඳහන් කරන්නේ.
එම නිසා මෙම වාතාවරණය තුළ මැතිවරණ පැවැත්විය නොහැකි හෙයින් නව බලවේගයක් ගොඩනගා එය ව්‍යවස්ථානුකූල බලයක් ගෙන රට ගොඩනැගිය යුතුවන බව හෙතෙම අවධාරණය කරයි.
ASK
