Friday, August 19, 2022
spot_img
spot_img

Latest Posts

ප්‍රදේශ රැසක ගංවතුර අවදානමක් : අවධානයෙන් සිටින්නැයි ජනතාවට දැනුම් දෙයි !

පවතින අධික වර්ෂාපතනය හමුවේ දිවයිනේ ප්‍රදේශ රැසකට අවදානම් නිවේදන නිකුත් කර ඇති බව ආපදා කළමනාකරණ මධ්‍යස්ථානය පවසයි.

ඒ අනුව, අදියර i යටතේ කළුතර දිස්ත්‍රික්කයේ ඉංගිරිය, පාලින්දනුවර, වළල්ලාවිට, බුලත්සිංහල ප්‍රදේශත් කෑගල්ල දිස්ත්‍රික්කයේ බුලත්කොහුපිටිය, දැරණියගල, රුවන්වැල්ල, යටියන්තොට, අරණායක සහ දෙහිඕවිට යන ප්‍රදේශත් මහනුවර දිස්ත්‍රික්කයේ ගඟ ඉහළ කෝරළය සහ පස්බාගේ කෝරළය යන ප්‍රදේශවලටත් මාතර දිස්ත්‍රික්කයේ පිටබැද්දර ප්‍රදේශයටත් නුවර එළිය දිස්ත්‍රික්කයේ අඹගමුව, කොත්මලේ, නුවර එළිය යන ප්‍රදේශවලට සහ රත්නපුර දිස්ත්‍රික්කයේ ඕපනායක යන ප්‍රදේශය සඳහාත් අවදානම් නිවේදන නිකුත් කෙරිණි.

එසේම අදියර ii යටතේ කුරුවිට, ඇහැළියගොඩ, කොලොන්න, අයගම, ඇලපාත, බලංගොඩ, ඉඹුල්පේ, ගොඩකවෙල, කිරිඇල්ල, කහවත්ත, නිවිතිගල, රත්නපුර, කලවාන සහ පැල්මඬුල්ල යන ප්‍රදේශවලට ද අවදානම් නිවේදන නිකුත් කර තිබේ.

එමෙන්ම නිල්වලා ගංගා ද්‍රෝණිය, කැළණි ගඟේ කිතුල්ගල ප්‍රදේශය සහ කළු ගඟේ රත්නපුර ප්‍රදේශයේ ද ජල මට්ටම් ඉහළ යෑම් අඛණ්ඩවම සිදුවිය හැකි බවයි ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ප්‍රදීප් කොඩිප්පිලි මහතා පවසන්නේ.

මීට අමතරව නාවලපිටිය ප්‍රදේශයෙන් මහවැලි ගඟේ ජල මට්ටම ද ඉහළ ගොස් ඇති අතර ඒ ආසන්න ප්‍රදේශයේ ජනතාවට දැඩි අවධානයෙන් පසුවන ලෙස දැනුම් දී ඇත.

තව ද කුකුළේ ගඟ ජලාශයේ වාන් දොරටුවක් විවෘත කර ඇති අතර ලක්ෂපාන ජලාශයේ වාන් දොරටුත් විවෘත කර ඇති බැවින් අදාළ ප්‍රදේශවල වෙසෙන ජනතාවට ඒ සම්බන්ධව අවධානයෙන් සිටින ලෙස දැනුම් දී තිබේ.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.