සටහන – පුලී
අගෝස්තු 04, LNW (කොළඹ): බ්රිතාන්ය රජුගේ සහෝදර දියණිය වන ප්රින්සස් Eugenei සිය පළමු දියණියට පෘතුගාලයේ ලිස්බන් නුවර රෝහලකදී උපත ලබා දී ඇති බව විදෙස් මාධ්ය වාර්තා කරයි.
රාත්තල් 6යි අවුන්ස 9ක බරින් උපත ලැබූ බිළිඳිය පිළිබඳව කුමරිය සිය ඉන්ස්ටග්රෑම් ගිණුමේ සටහනක් තබමින්, තමන් සහ සැමියා වන ජැක් බෘක්ස්බෑන්ක්“අපේ පුංචි දියණියට අසීමිත ලෙස ආදරය කරනවා” යනුවෙන් සඳහන් කර තිබිණි.
මෙම පුංචි කුමරිය, යුවළගේ තෙවැනි දරුවා වන අතර, ඔවුන්ට මීට පෙර වයස අවුරුදු 5ක් වන ඔගස්ට් සහ වයස අවුරුදු 3ක් වන අර්නස්ට් යන පුතුන් දෙදෙනෙකු ද සිටිති.
කෙසේ වෙතත්, නව දියණියට තැබූ නම මෙතෙක් ප්රකාශයට පත් කර නොමැති අතර, ඇය බ්රිතාන්ය සිංහාසනයේ උරුමකම් අනුපිළිවෙළේ 15 වැනි ස්ථානයටපත්ව සිටී.
