Sunday, August 14, 2022
spot_img
spot_img

Latest Posts

10 වැනිදා තෙක් ගෝඨාගෝ ගම ඉවත් කරන්නේ නෑ – නීතිපති අධිකරණයට දැනුම් දෙයි

ගාලුමුවදොර ඉදිරිපිට ගෝඨාගෝ ගම අරගල භූමියේ අනවසර ඉදිකිරීම් අගෝස්තු 10 වැනිදා වනතෙක් ඉවත් නොකරන බව නීතිපතිවරයා අභියාචනාධිකරණය වෙත දැනුම් දී තිබෙනවා. ඊට අදාල උපදෙස් පොලිස්පතිවරයා ඇතුළු අදාල ආයතන වෙත ලබාදෙන බවද නීතිපතිවරයා දැනුම් දී තිබේ.

අරගල භූමියේ ඉදිකිරීම් ඉවත් කිරීමට එරෙහිව නියෝගයක් නිකුත් කරන්නැයි ඉල්ලා අභියාචනාධිකරණය හමුවේ ගොනුකර තිබූ පෙත්සම් අද සලකා බැලුණු අවස්ථාවේදී අතිරේක සොලිසිටර් ජනරාල්, ජනාධිපති නීතිඥ සුමති ධර්මවර්ධන මහතා නීතිපතිවරයාගේ තීරණය අභියාචනාධිකරණය වෙත දැනුම් දුන්නේය.

කෙසේ නමුත් ස්වෙච්ඡාවෙන් අරගලභූමියෙන් ඉවත් වන අරගලකරුවන්ට කිසිදු අවහිරයක් නොමැති බවද නීතිපතිවරයා වැඩිදුරටත් දැනුම් දී තිබෙනවා.

අද පස්වරු 05 ට පෙර අනවසර ඉදිකිරීම් සියල්ල ඉවත් කර අරගල භූමියෙන් ඉවත් වන ලෙස පොලීසිය අරගලකරුවන්ට දැනුම් දී තිබිණි. කෙසේ නමුත් අද දිනයේදීද විශාල පිරිසක් ගෝඨාගෝ ගම අරගල භූමියේ රැඳී සිටිනු දක්නට ලැබිණි. එහි තිබූ ඇතැම් ඉදිකිරීම් අරගලකරුවන් විසින්ම ඉවත් කර ගන්නා ආකාරයද දක්නට ලැබිණි.

UN

Latest Posts

spot_img

Don't Miss

Stay in touch

To be updated with all the latest news, offers and special announcements.