මත්තල රාජපක්ෂ ජාත්‍යන්තර ගුවන් තොටුපලේ මෙහෙයුම් ආරම්භ කළ 2017 වසරේ සිට 2022 වසර දක්වා එහි සමස්ත පාඩුව රුපියල් කෝටි 4281 ක් බව විගණන වාර්තාවකින් අනාවරණය වී තිබේ.
එම ගුවන් තොටුපලේ 2021 වසරේදී පාඩුව රුපියල් කෝටි 444ක් වී ඇති අතර එහි 2022 වසරේ පාඩුව එමෙන් පස් ගුණයකට ආසන්න වෙමින් රුපියල් කෝටි 2221ක් වී ඇති බවත් එම වාර්තාවෙහි සඳහන්.
මත්තල ගුවන් තොටුපලේ අපේක්ෂිත වාර්ෂික මගීන් සංඛ්‍යාව ලක්ෂ 10 ක් වුවත් පසුගිය වසරේදී මෙම ගුවන් තොටුපල හරහා ගමන් කළ මගීන් සංඛ්‍යාව 11,577ක් පමණි.
ගුවන් තොටුපල හා ගුවන් සේවා පුද්ගලික සමාගම සම්බන්ධයෙන් නිකුත් කළ නවතම විගණන වාර්තාවකින් මෙම තොරතුරු අනාවරණය වී ඇත.
RN
