සටහන – රුවන් නෙළුගොල්ල
ශ්‍රී ලංකා පොදුජන පෙරමුණේ ජනාධිපතිවරණ අපේක්ෂකයා ප්‍රකාශයට පත්කිරීම හෙට (07) දිනයේදී සිදුකෙරෙන බව එම පක්ෂයේ මහලේකම්, පාර්ලිමේන්තු මන්ත්‍රී සාගර කාරියවසම් මහතා පවසයි.
ප්‍රශ්නය – දැන් අපේක්ෂකයා නම් කරන්නේ කවද්ද ?
“07 වෙනිදා”
ප්‍රශ්නය – කොහෙද තියෙන්නෙ ?
“හුඟක් වෙලාවට පක්ෂ කාර්යාලය තමයි සුදුසුම තැන කියලා තමයි හුඟ දෙනෙක්ගේ මතය වුණේ. අපි බලමු ඉස්සරට, තැන හරියටම කියන්නම්”
ප්‍රශ්නය – පක්ෂ කාර්යාලය වගේ නැතිව ලොකු තැනක කරනවා කියලානෙ ඔබතුමාලා කිව්වෙ ?
“රැස්වෙච්ච කට්ටියගේ බහුතර මතය තිබුණේ පක්ෂයේ දෙයක්, පක්ෂයේ අපේක්ෂකයෙක් නම් කිරීම පක්ෂ කාර්යාලයේදී කරමු කියලායි”
ප්‍රශ්නය – ධම්මික පෙරේරාගෙ නම නෙවෙයිද ?
“07 වෙනිදාට කියන්නම්”
සාගර කාරියවසම් මහතා මේ බව පැවසුවේ ඊයේ (05) කොළඹ 07 විජේරාම මාවතේ පිහිටි මහින්ද රාජපක්ෂ මහතාගේ නිල නිවසේදී පැවති සාකච්ඡාවකින් අනතුරුව මාධ්‍ය වෙත අදහස් දක්වමිනි.
