පසුගිය මාස කිහිපය තිස්සේ දැඩි කතාබහට ලක් වූ විදුලි ගාස්තු සංශෝධනය සඳහා මහජන උපයෝගීතා කොමිසමේ අනුමැතිය හිමිව තිබෙනවා. අද කොළඹදී මාධ්‍ය හමුවක් පවත්වමින් කොමිසමේ සභාපති ජනක රත්නායක මහතා මේ බව සඳහන් කළේය.
විදුලි ගාස්තු 75% කින් පමණ ඉහළ යනු ඇති බවයි ජනක රත්නායක මහතා සඳහන් කළේ.
මේ අතර ජල ගාස්තු ඉහළ දැමීමටද තීරණය කර තිබෙනවා. ගාස්තු ඉහළ දැමීමේ යෝජනාව මේ වනවිටත් කැබිනට් මණ්ඩලය වෙත ඉදිරිපත් කර ඇති අතර ගාස්තු වැඩි කරන ප්‍රතිශතය සම්බන්ධයෙන් කැබිනට් මණ්ඩලයේදී තීරණය කරන බවයි ජලසම්පාදන අමාත්‍යංශය පවසන්නේ.
UN
