පළාත් පාලන මැතිවරණය කල්දැමූ අවස්ථාවේ ජාතික ජන බලවේගය පාරට බැස මහා කලබලයක් කරනු ඇතැයි ඇතැමුන් බලාපොරොත්තුවෙන් සිටියත් එවැන්නක් සිදු නොවූ බවත් අරගලය ත්‍රීව්‍ර කළ යුත්තේ කුමන අවස්ථාවේදීද, අරගලය මන්දගාමී කළ යුත්තේ කුමන අවස්ථාවේදීද යන්න පිළිබඳව තමන්ට හොඳ අවබෝධයක් ඇති බවත් ජනතා විමුක්ති පෙරමුණේ නායක අනුර කුමාර දිසානායක මහතා පවසයි.
තම පක්ෂය යනු දීර්ඝ කාලීන අත්දැකීම් ඇති දේශපාලන ව්‍යාපාරයක් වන අතර තමන් පුරුදු වන්නට දේශපාලනය කරන පිරිසක් නොවන බවයි ඒ මහතා අවධාරණය කළේ.
අරයාට බනින්නේ නැද්ද, මෙයාට බනින්නේ නැද්දැයි ඇතැමුන් ප්‍රශ්න කිරීම ගැන කලබල නොවන ලෙස පැවසූ ඒ මහතා තම පක්ෂය තීන්දු තීරණ ගන්නේ තම පක්ෂයට අවශ්‍ය ආකාරයට මිස වෙනත් කිසිවකුට අවශ්‍ය ආකාරයට නොවන බවත් සඳහන් කළේය.
අනුර කුමාර දිසානායක මහතා මේ බව පැවසුවේ ඊයේ (13) පැවති ජාතික ජන බලවේගයේ සමුළුවක් අමතමිනි.
RN
