ඊයේ (17) මධ්‍යම රාත්‍රියේ සිට ක්‍රියාත්මක වන පරිදි ගෘහස්ථ ගෑස් සිලින්ඩරවල මිල අඩුකිරීමට ලාෆ්ස් ගෑස් සමාගම තීරණය කර තිබේ.
ඒ අනුව, මෙතෙක් රුපියල් 6850ක් ව පැවති කිලෝග්‍රෑම් 12.5 ගෘහස්ථ ගෑස් සිලින්ඩරයක මිල රුපියල් 5800 දක්වා අඩුකර ඇත.
එසේම කිලෝග්‍රෑම් 5 ගෘහස්ථ ගෑස් සිලින්ඩරයක නව මිල රුපියල් 2320ක් දක්වා අඩුකර ඇති අතර කිලෝග්‍රෑම් 2.5 සිලින්ඩරයක නව මිල රුපියල් 928ක් වේ.
ලාෆ්ස් සමාගමේ ගෑස් සැපයුම පසුගිය සමය තුළ විටින් විට අඩපණ වෙමින් පැවති අතර පෙරේදා (16) දිනයේදී එම සමාගමේ ගෑස් මෙට්‍රික් ටොන් 3120ක තොගයක් හම්බන්තොට වරායට පැමිණ තිබිණි.
RN
