සටහන – රුවන් නෙළුගොල්ල
මැතිවරණ වියදම් නියාමන පනත අනුව මෙවර ජනාධිපතිවරණයේදී අපේක්ෂකයෙකුට එක් ඡන්ද දායකයකු වෙනුවෙන් වියදම් කළ හැකි උපරිම මුදල දැක්වෙන ගැසට් පත්‍රය අද (19) දිනයේදී ප්‍රකාශයට පත්කරන බව මැතිවරණ කොමසාරිස් ජනරාල් සමන් ශ්‍රී රත්නායක මහතා පවසයි.
එම පනත අනුව එක් ඡන්ද දායකයෙකු සඳහා වියදම් කිරීමට අවසර ලත් මුදල නාමයෝජනා භාරගැනීමෙන් දින 5ක් ඇතුළත ගැසට් පත්‍රයක් මඟින් ප්‍රකාශයට පත්කළ යුතුව තිබේ.
මේ සම්බන්ධයෙන් මැතිවරණ කොමිසම සහ ජනාධිපතිවරණ අපේක්ෂකයින් අතර සාකච්ඡාවක් පසුගිය 17 වනදා පවත්වා තිබුණු අතර එහිදී එක් ඡන්ද දායකයකු වෙනුවෙන් ශත 50 සිට රුපියල් 1000 දක්වා වියදම් කිරීමට යෝජනා අපේක්ෂකයින් වෙතින් ඉදිරිපත්ව තිබිණි.
