රෂිකා හෙන්නායක අගෝස්තු 20, කොළඹ LNW :
මීගහවත්ත, දෙල්ගොඩ ප්‍රදේශයේ අලුත් නුවර පාරේ සිදුවූ අතිශය ශෝචනීය රිය අනතුරක් වාර්තා වෙයි.
බියගම දෙස සිට පැමිණි ත්‍රීරෝද රථයක් සහ මෝටර් රථයක් මුහුණට මුහුණ ගැටීමෙන් මෙම අනතුර සිදුවී ඇති බව එහි සඳහන් වේ.
මෙම අවාසනාවන්ත සිදුවීමෙන් හත් හැවිරිදි කුඩා දැරියක ඇතුළු පුද්ගලයන් තිදෙනෙකු ජීවිතක්ෂයට පත්ව ඇති අතර, තවත් තිදෙනෙකු බරපතල තුවාල ලබා රෝහල්ගත කර ඇත.
මියගිය පිරිස අතර 69 හැවිරිදි රියදුරෙකු සහ 39 හැවිරිදි කාන්තාවක් ද සිටින බව පොලීසිය තහවුරු කරයි.
සිද්ධියට අදාළ මෝටර් රථ රියදුරු මේ වන විට පොලිස් අත්අඩංගුවට පත්ව ඇති බව වැඩිදුරටත් වාර්තා වේ.
