සටහන: සශිකලා මධුෂාණි
අගෝස්තු මස 20: ලෝකය(අවුට්බවුන්ඩ් ටුඩේ): ඉරානය විසින් යුරෝපයේ පිහිටි ඇමෙරිකානු හමුදා ඉලක්ක වෙත ප්‍රහාර එල්ල කිරීම සම්බන්ධයෙන් සලකා බලමින් සිටින බවට වාර්තා පළවීමත් සමඟ, සියලුම සාමාජික රටවල් ආරක්ෂා කිරීම සඳහා අවශ්‍ය ඕනෑම ක්‍රියාමාර්ගයක් ගැනීමට සූදානම් බව NATO (North Atlantic Treaty Organization) සංවිධානය අවධාරණය කර තිබේ.
මෙහිදී විශේෂයෙන් දකුණු-නැගෙනහිර යුරෝපයේ බල්ගේරියාව සහ සයිප්‍රසයේ පිහිටි ඇමෙරිකානු හමුදා පහසුකම් සම්බන්ධයෙන් අවධානය යොමු වී ඇති බව වාර්තා වේ.
මෙවැනි ප්‍රහාරයක් සිදුවුවහොත්, මැදපෙරදිගට සීමා වී ඇති ගැටුම යුරෝපය දක්වා ව්‍යාප්ත වීමේ අවදානමක් මතුවිය හැකි අතර, එය NATO සහ ඉරානය අතර සෘජු ආරක්ෂක ආතතියක් ඇති කිරීමටද හේතු විය හැකිය.
NATO මේ වන විට සාමාජික රටවල ආරක්ෂාව සඳහා අවශ්‍ය සියලු පියවර ගැනීමට සූදානම් බව පැහැදිලිව පවසා ඇති අතර, ඉරානයේ ඕනෑම නව තර්ජනයකට සන්ධානය දැඩි ලෙස ප්‍රතිචාර දැක්වීමට සූදානම් බව එම නිලධාරියා අවධාරණය කර තිබේ.
